«Samuryq-Qazyna» qory Mańǵystaý oblysyndaǵy bıznesti qoldaýǵa qatysty is-sharalar ótkizdi
Forým barysynda «Samuryq-Qazyna» qorynyń delegatsııasy (Qordaǵy otandyq kásipkerlikti qoldaýmen aınalysatyn damý ınstıtýttary men kompanııalardyń ókilderi) kásipkerlikti qoldaýdaǵy Qor Toby usynyp otyrǵan quraldaryn tanystyrdy. Al Mańǵystaý oblysy ákimshiligi oblystyń shıkizattyq emes sektoryndaǵy júzege asyrylýy josparlanǵan jobalardy ınvestorlardyń ıakı, damý ınstıtýttarynyń nazaryna usyndy, dep habarlaıdy QazAqparat «Samuryq-Qazyna» UÁQ baspasóz qyzmetine silteme jasap.
Esterińizge sala keteıik, QR Prezıdenti N.Nazarbaevtyń Joldaýynda «jedeldetilgen ındýstrııalızatsııa men ınfraqurylymdy damytý esebinen ornyqty ekonomıkalyq ósimge qol jetkizýge» tapsyrma berilgen bolatyn. Osyǵan oraı, «Damý ınstıtýttarynyń ashyq esik kúni» aımaqtarda «Samuryq-Qazyna» UÁQ bastamasymen ótkizilip otyr. Zertteýlerge qaraǵanda, jergilikti jerlerdegi kásipkerler ındýstrııaldy nemese ınfraqurylymdyq salalardaǵy jobalardy bastama etip kóterý kezinde osy damý ınstıtýttaryny usynyp otyrǵan qoldaý sharalarynan habarsyz qalady eken. Al negizinen, aımaqtar usynyp otyrǵan bolashaǵy zor jobalar ınvestor retinde damý ınstıtýttarynyń nazaryna iligýi kerek. «Qazirgi kúni Qordyń kompanııalary 146 ınvestıtsııalyq jobany qarjylandyryp otyr. Onyń 96-sy paıdalanýǵa berildi. Búgingi tańda osy óndiristerde 20 myńǵa tarta jumys orny ashyldy. «Damý» qorynyń qoldaýymen shaǵyn jáne orta kásipkerlik salasyndaǵy 8,5 myń sýbekt qoldaýǵa ıe bolyp, 26 myńnan astam jumys orny ashyldy», delingen baspasóz aıǵaǵynda.
Al Mańǵystaý oblysynda «Damý» kásipkerlikti damytý qory bólgen qarjy jáne «Damý-Aımaqtar» baǵdarlamasynyń arqasynda 357 kásipker 13,443 mlrd. teńgege 1 myń 42 nesıesi qarjylandyrǵan. 178 jumys orny ashyldy. «Damý» qory tek qarjylyq turǵydan ǵana emes, qarjylyq emes qoldaý sharalaryn da kásipkerlerge usynady. Máselen, «Bıznes-Keńesshi» baǵdarlamasy aıasynda Mańǵystaý oblysynan 440 adam bilim aldy.
«Jalpy, kásipkerlikpen aınalysatyn kez kelgen adam damý ınstıtýtynyń kórsetetin qyzmetin óz ıgiligine paıdalana alady. Óıtkeni, damý ınstıtýttary óte iri, aýqymdyq jobalardan bastap, naýbaıhanalar, azyq-túlik ónimderin óndiretin kishigirim óndirister, qurylys materıaldaryn shyǵaratyn ortalyqtar, polıgrafııalyq baspa ónimderin shyǵaratyn ortalyqtardy qurýǵa da qoldaý bildire alady. Buǵan árıne, saýda ortalyqtaryn, sulýlyq salondaryn, tehnıkalyq qyzmet kórsetý stansylaryn, sheberhanalardy, jeke medıtsınalyq ortalyqtardy, demalý oryndaryn, jeke balabaqshalardy da qosa atap ótý qajet», delingen baspasóz aıǵaǵynda.