«Samuryq-Qazyna» qory DSU talaptaryna sáıkes qazaqstandyq qamtý boıynsha satyp alýlardy shekteýi múmkin
«Qazirgi tańda Qazaqstan kelissózder úderisiniń nátıjesine sáıkes DSU tabaldyryǵynda tur. Soǵan oraı, DSU talaptary bizdiń memlekettik satyp alýlarymyzdaǵy belgili bir standarttardy talap etedi. Osyǵan baılanysty biz Qordyń satyp alýlaryna qatysty jańa erejeni usynbaqshymyz», - deıdi Jumaǵalı Myńjasarov. Onyń aıtýynsha, qoldanystaǵy Qordyń satyp alý erejeleriniń birqatar bólikteri DSU talaptaryna qaıshy keledi. Atap aıtqanda, DSU talaptaryna satyp alýlardyń qoldanystaǵy erejelerindegi otandyq taýar óndirýshi statýsy men ST-KZ sertıfıkaty úshin 20 paıyzǵa deıingi shartty shegerimder men jeńildikter, jumystar/qyzmetterdegi jergilikti qamtý úshin 10 paıyzǵa deıingi shartty shegerimder men jeńildikter, otandyq taýar óndirýshiler úshin qamsyzdandyrýdyń barlyq túrlerinen bosatý men mindetti túrde kem degende 30 paıyz aldyn ala tólem jasaý sharttary qaıshy keledi.
Degenmen, basqarýshy dırektordyń sózine qaraǵanda, Qazaqstan Dúnıejúzilik saýda uıymyna ótken soń «Samuryq-Qazyna» qory qazaqstandyq qamtý aıasynda jarǵylyq kapıtalynda memlekettik holdıngtiń qatysýy bar kásiporyndarǵa jáne múgedekter uıymdaryna ǵana qoldaý kórsetýi múmkin.