«Samuryq-Qazyna» qory ardagerlerge jarty mıllıard teńge bólýdi qarastyrýda
«Kóptegen mádenı, áleýmettik sharalar ótkizemiz, soǵys ardagerleriniń kitaptaryn shyǵarý syndy jumystar júrgizýdi maqsat etip otyrmyz. Bul Qazaqstandaǵy barlyq ardagerlerge arnalady. Jarty mıllıard teńge tek sharalardy ótkizýge bólinedi. Árbir ardagerge birjolǵy aqsha bólý jónindegi suraq áli qarastyrylǵan joq. Bul - Qazaqstan ardagerleri keńesiniń qurastyrǵan baǵdarlamasyna kózdelgen qarjy», - dep atap ótti ol.
Onyń aıtýynsha, atalmysh qarajattyń naqty somasy áli belgilengen joq. «Aldyn ala men tek jarty mıllıard teńgege deıingi soma ekendigin aıta alamyn. Ondaı aqshany bıyl bólýge qor daıyn. Degenmen, bul soma ózgerýi yqtımal, anyqtala kele, qarajat odan az suralýy múmkin. Sonymen qatar ardagerlerdiń jalpy jaǵdaıyna zertteý júrgiziledi. Soǵys kórgen qarııalarymyzdyń áleýmettik kartasyn jasaýymyz kerek. Ardagerler neden muqtajdyq kórip otyrǵandaryn biz bilýimiz shart, onyń ornyn toltyrýǵa jumystar atqaramyz», - dep atap ótti D. Káletaev.
Bunyń aldynda habarlaǵanymyzdaı, qor árbir ardagerdiń úıine «dabyl túımesin» ornatpaq. Ol qaýyrt jaǵdaıda jedel medıtsınalyq qyzmetti nemese áleýmettik qyzmet ókilderin shaqyrtý úshin qoldanylatyn bolady. Qazirgi ýaqytta qajetti qarajatty bólý máselesi qaralýda.
Búgin «Samuryq-Qazyna» AQ ortalyq keńesinde osyǵan oraı, Basqarma tóraǵasy Ómirzaq Shókeevtiń qatysýymen Qor basshylyǵynyń «Ardagerler uıymy» respýblıkalyq qoǵamdyq birlestiginiń belsendilerimen kezdesýi ótti. Is-sharaǵa Qazaqstan vıtse-premeri Gúlshara Ábdihalyqova qatysty.
Aıta keteıik, búginde elimizde shamamen 4,5 myńnan astam Uly Otan soǵysynyń ardagerleri bar.