«Samuryq-Qazyna» qory 2010 jyldyń 1-shi toqsanynda otandyq taýar óndirýshilerden 175 mlrd. teńgeniń ónimderin satyp alady
Bul týraly búgin Úkimettiń selektorlyq keńesinde «Samuryq-Qazyna» qory basqarmasynyń múshesi Qaırat Áıtekenov aıtty, dep habarlaıdy QazAqparat.
Onyń sózine qaraǵanda, Qordyń quramyndaǵy ulttyq kompanııalardyń satyp alý josparlary túgeldeı bekitilgen jáne olardyń barlyǵy tıisti saıttarda ornalastyrylǵan. Satyp alýlardyń basym bóligi, ıaǵnı 98 paıyzy 9 ulttyq kompanııanyń úlesine tıetin bolady. Birinshi toqsanda satyp alýlarǵa 537,8 mlrd. teńge baǵyttaý josparlanyp otyr, onyń ishinde 175 mlrd. teńge otandyq taýar óndirýshilerdiń ónimderin satyp alýǵa jumsalatyn bolady.
Al, «Qazaqstan temir joly» UK basshysy Asqar Mamınnniń sózine qaraǵanda, bul kompanııa 2010 jyly 887 mlrd. teńgeniń taýarlaryn, jumystaryn jáne qyzmetterin satyp alýdy kózdep otyr. Bul rette atalmysh satyp alýlardaǵy qazaqstandyq qamtýdyń úlesi 80 paıyzdy quraıtyn bolady. Bul 2009 jylǵa qaraǵanda aıtarlyqtaı joǵary.
«QazMunaıGaz» UK bolsa aǵymdaǵy jyldyń 1-shi toqsanynda 243 mlrd. teńgeniń taýarlaryn, jumystaryn jáne qyzmetterin satyp alýǵa nıetti. Bul somanyń 65 paıyzy otandyq taýar óndirýshilerdiń ónimderin satyp alýǵa jumsalady», dedi atalmysh kompanııanyń prezıdenti Qaıyrgeldi Qabyldın.
Al, «Kegok» kompanııasynyń prezıdenti Almasadam Sátqalıevtiń aıtýynsha, 2010 jyldyń 1-shi toqsanynda kompanııa 597 mln. teńgeniń satyp alýlaryn júrgizýdi kózdep otyr. Mundaǵy qazaqstandyq qamtý 75 paıyzdy quramaq.