«Samuryq-Qazyna Kontrakt» áleýetti jabdyqtaýshylaryna biliktilik irikteý júrgizýge kiristi
Endi aldaǵy ýaqytta Samuryq-Qazyna uıymdarynyń kóterme satyp alýyna BBІ ótken bilikti áleýetti jabdyqtaýshylar jiberiletin bolady.Bul týraly «Samuryq-Qazyna Kontrakt» JShS baspasóz qyzmeti habarlady.
Osy quraldy endirý maqsaty kóterme satyp alý júrgizýge deıingi kásipkerlerdiń shynaıy baǵalaýy bolyp tabylady. Sonymen qatar BBІ Qor kompanııalary úshin sapaly taýarlardy, jumystar men qyzmetterdi jolǵa qoıýǵa qabiletti shynaıy óndirýshiler men jabdyqtaýshylardy anyqtaýǵa kómektesedi. Sonymen qatar, BBІ kóterme satyp alynatyn taýarlardyń, jumystar men qyzmetterdiń sapasyn aıtarlyqtaı kóterýge jáne de kóterme satyp alý júrgizý merzimin qysqartýǵa múmkindik beredi.
BBІ rásimi kelesideı kezeńderden turady: aqparattyq júıede tirkelý, ótinish-aryzdy toltyrý, kelisimshartqa qol qoıý, saýalnamany toltyrý, saýalnamaǵa taldaý jasaý jáne qorytyndy retinde bilikti áleýetti jabdyqtaýshylar tizimine qosý. Úderistiń aıqyndyq deńgeıin kóterý úshin tehnıkalyq jáne verıfıkatsııalyq aýdıtter, BBІ rásiminiń bóligi retinde, halyqaralyq aýdıtter men tapsyrys berýshilerdiń qatysýymen, olardyń qyzyǵýshylyq týdyrýy jaǵdaıynda, «Atameken» KUP ókilderin tartýmen tikeleı jabdyqtaýshylardyń óndiristik alańynda ótkiziledi.
BBІ ótken jáne Bilikti áleýetti jabdyqtaýshylar tizimine kirgen kompanııalar úshin kóterme satyp alýǵa qatysý rásimi aıtarlyqtaı jeńildetiletin bolady. Máselen, olarǵa suranymnyń mindetti 1%-yn salý qajet bolmaıdy. Al odan ári memlekettik organdardyń aqparattyq júıelerimen BBІ yqpaldastyǵynan keıin tenderge qatysýǵa arnalǵan qajetti qujattardyń tizimin aıtarlyqtaı qysqartý josparlanýda. Kásipkerler barlyq qajetti qujattaryn bir ret usynyp, birneshe jyl boıy kóterme satyp alýǵa ár qatysý aldynda óziniń biliktiligin rastaýdyń qajet bolmaıtynyn aıta ketý qajet.
- Búginniń ózinde biz barlyq qazaqstandyq kásipkerlerdi ulttyq kompanııalardyń kóterme satyp alýǵa qatysýy úshin biliktilikaldy irikteýinen ótýge belsendi túrde qatysýǵa shaqyramyz. Barlyq aqparattar bizdiń kompanııanyń aqparattyq resýrstarynda, sonymen qatar pko.skc.kz. saıtynda ornalasqan. Jan-jaqty taldaý jasaý maqsatynda BBІ úderisiniń ádisnamasyn jasaý halyqaralyq saraptamashylardy, «Atameken» KUP ókilderin jáne Qazaqstannyń bıznes-qaýymdastyǵyn tartýmen júzege asyrylyp jatqandyǵyn aıta ketkim keledi, - deıdi «Samuryq-Qazyna Kontrakt» JShS Bas dırektory Serikbek Elshibekov.