«Samuryq-Qazyna» kompanııalarynyń basshylary qyzmetkerlerin «jumsaq» basqarýǵa kóshpek

ASTANA. QazAqparat - «Samuryq-Qazyna» AQ Adam resýrstaryn basqarý jónindegi bas dırektory Denıel Krıýsterg ulttyq kompanııalar jumystaǵy qatań baqylaýdan «ıkemdi» kóshbasshylyqqa aýysýy tıis dep esepteıdi.

«Bizdiń maqsatymyz - kóshbasshylyqtyń qaǵıdattaryn ózgertý. Árıne, qazir kompanııalardaǵy kóshbasshylyq deńgeıi jaqsy. Biraq, qazir ulttyq kompanııalar komandalyq kóshbasshylyq, qatań baqylaýdan «ıkemdi» kóshbasshylyqqa aýysýy kerek. ıAǵnı, qyzmetkerlermen qyzmet babyndaǵy qarym-qatynasty barynsha «jumsaq», ıkemdi júrgizýi kerek», - deıdi ol búgin Astanada ótip jatqan adam resýrstaryn basqarý jónindegi H «Halyqaralyq HR» konferentsııasynda.

D.Krıýsterg sózine qaraǵanda, qyzmetkerlermen jumys qujattardy daıyndaý, bolmasa, qaǵazben jumys emes, bul uıymnyń strategııalyq maqsaty jolyndaǵy jumys bolýy kerek.

«Qyzmetkerlermen jumys degenimiz qujattardy daıyndaý, bolmasa, qaǵazdarmen jumys isteý emes. Búgingi tańda «Samuryq-Qazyna» qory qyzmetkerlerdi irikteý, olarmen jumys isteýdiń ádis-tásilderin qaıta qarap, bul baǵytta kóp jumys istedi. Búgingi tańda, qordaǵy qyzmetkerlerdiń ortasha jasy 37 jas, qyzmetkerlerdiń 14 paıyzy «Bolashaq» baǵdarlamasynyń túlekteri, 33 paıyzynda magıstr dárejesi, 44 paıyzynyń sheteldik bilimi bar jáne qyzmetkerlerimizdiń 84 paıyzy shet tilderin meńgergen», - dep túıdi sózin ol.