«Samuryq-Qazyna» kompanııalar tobynda qazirgi zamanǵy tehnologııalar qoldanylmaıdy - Davıd Týrganov
Onyń aıtýynsha, transformatsııalaý naýqany barysynda bul olqylyqtar joıylatyn bolady, sebebi IT tehnologııalarynsyz kompanııalardy transformatsııalaý múmkin emes.
«Biz transformatsııa týraly sóz qozǵaıtyn bolsaq, myna bir jaıtty eske salý kerek. Mysaly, kúndelikti ómirde adamdar ómirdi jaqsartatyn, jeńildetetin mobıldi telefondardy, planshetterdi qoldanady. Bizdiń kásiporyndar qazirgi zamanǵy tehnologııalardy qoldanbaıdy. Avtomattandyrýdyń deńgeıi óte tómen. IRP, GRS, BI syndy aqyldy bıznes basqarý júıelerinen maqrum. Kompanııalar naryqta ondaǵan jyldar boıy qoljetimdi bolyp otyrǵan tehnologııalardy paıdalanbaıdy», - dep atap ótti «Samuryq-Qazyna» AQ transformatsııa boıynsha komandanyń IT bóliminiń jetekshisi Davıd Týrganov.
Óz kezeginde «Samuryq-Qazyna» aktsıonerlik qoǵamynyń aqparattyq tehnologııalar boıynsha bas dırektory Nık Maloýn Qordy transformatsııalaý baǵdarlamasy kezindegi IT salanyń mańyzdylyǵyna toqtaldy. Onyń sózi boıynsha, transformatsııalaý úderisi kompanııanyń barlyq salalaryn qamtıtyn bolady, sonyń ishinde IT salasyn.
«Biz kompanııany transformatsııalaýda ońaı jol izdep otyrǵanymyz joq. Bul úderis keshendi túrde oryn alady. Orta merzimde biz alǵashqy nátıjelerge qol jetkize bastaımyz. Biraq transformatsııanyń asa aýqymdylyǵyn eskere otyryp, bizge edáýir ýaqyt qajet ekendigin túsinemiz. Transformatsııa - kúndelikti jetildirý degen sóz. Biz árdaıym ózgeriste bolamyz. Sebebi bir orynda turatyn eshteńe joq. Biz bul úderisti bastadyq», - dedi Nık Maloýn.
Aıta ketý kerek, forým jumysyna 200-ge tarta maman qatysty. Sonyń ishinde Gartner kompanııasynyń IT jónindegi bas dırektory, zertteýler tobynyń basshysy Merı Mesele, TerraLink Technologies kompanııasynyń negizin qalaýshy Ron Levın, Jumpstone International kompanııasynyń basshysy Met Gýıver syndy tanymal sarapshylar óz oı-pikirlerin ortaǵa saldy.