«Samuryq-Qazyna» ereýil men narazylyqty azaıtý úshin ombýdsmen jumysyn kúsheıtedi
Qazirgi ýaqytta «Samuryq-Qazynanyń» 9 portfeldik uıymynda – «Samuryq-Energo» AQ, «Qazaqtelekom» AQ, «Qazposhta» AQ, «QazMunaıGaz» UK» AQ, «Qazatomónerkásip» AQ, «KEGOC» AQ jáne «Qazaqstan temir joly» UK» AQ ombýdsmender jumys isteıdi.
Bıylǵy naýryz aıynda «Samuryq-Qazyna» AQ ombýdsmeni bolyp taǵaıyndalǵan Serikbaı Turymov óz qyzmeti – aryz-shaǵymdardy táýelsiz qarap, qoldanystaǵy zań talaptaryna sáıkes usynys enzigý ekenin, qor deńgeıinde ombýdsmender keńesin quryp, birneshe jıyn ótkizgenin atap ótti.
Sonymen birge, ombýdsmen áleýmettik ózara is-qımyl jáne kommýnıkatsııalar ortalyǵymen birlesip, «Nysana» atty jedel jeli men koll-ortalyq uıymdastyrǵan.
Bul jumysshylardan túsken 9 myńnan astam ótinishti qaraýǵa múmkindik berdi, onyń 811-i ózekti dep tanylyp, tıisti deńgeıde zerdelengen.
«Osy ýaqytqa deıin Atyraý, Mańǵystaý, Túrkistan, Qyzylorda oblystarynda issaparda boldyq. Bul saparda portfeldik kompanııalardyń óndiristik mekmelerindegi jaǵdaımen tanysyp, azamattarmen pikir almastyq. ıAǵnı kompanııada ombýdsmen qyzmeti bar ekenin, oǵan qandaı máselemen júginýge bolatynyn túsindirdik. Barlyq kompanııalarymyzda, enshiles kásiporyndarda ombýdsmenniń aty-jóni, telefony ashyq kórsetilgen. Ásirese «Qazatomprom» kompanııasy qyzmetin erekshe atap ótýge bolady, onyń barlyq enshiles kásipornynda – 20-ǵa jýyq óndiriste ombýdsmender jumys isteıdi. Bul jergilikti máselelerldi sheshýge, aryz-shaǵymmen der kezinde tanysyp, tıisti usynym bildirýge múmkindik beredi», - dedi Serikbaı Turymov.
Degenmen, spıker barlyq máseleni ombýdsmender deńgeıinde sheshý múmkin emestigin, olardyń da quzireti shekteýli ekenin jetkizdi.
«Qazaqstan temir jolynda» 120 myń jumysshy bar, «QazMunaıGazda» - 80 myńdaı adam jumys isteıdi. Jalǵyz ombýdsmen báriniń aryz-shaǵymyn tolyq qarap úlgermeıdi. Jalpy ombýdsmender jumysy – azamattardy qabyldaý, tyńdaý, usynys-pikirler berý, qajet bolsa, medıatorlyq qyzmet te kórsetedi. Sondjyqtan ombýdsmen jumysyn áli de jetildirip, iri kopanııalarda qosymsha shtat ashýǵa tyrysamyz. Sońǵy kezderi aryz-shaǵym kóbeıdi, qazir 811 aryz tússe, onyń 720-sy ombýdsmen deńgeıinde qaralyp jatyr. Aryzdyń kópshiligi eńbekaqy, jumys oryndaryna baılanysty keledi. Eńbekaqy ár kompanııanyń ekonomıkalyq jaǵdaıyna baılanysty, sondyqtan bul máseleni ombýdsmen sheshe almaıdy. Osy rette kompanııa basshylarymen, tıisti qyzmetkerlerimen birlesip jumys isteımiz», - dep túsindirdi S. Turymov.
Jyl basynan beri 7 aıda ereýilder sany bes esege azaıdy, al yqtımal syn-qater aımaqtarynyń sany eki esege azaıdy.
Bul týraly «Samuryq-Qazyna» AQ korporatıvtik basqarý, áleýmettik-eńbek qatynastary jáne eńbekti qorǵaý jónindegi basqarýshy dırektory Ǵıbrat Aýǵanov aıtyp berdi.
Onyń aıtýynsha, ereýilderdiń 12 jaǵdaıynyń 9-y merdigerlik kompanııalarda bolǵan, al enshiles uıymdarda tek 3 jaǵdaı tirkelgen.
Ótken jyldyń dál osyndaı kezeńde 57 ereýil tirkelgen jáne 68 yqtımal syn-qater aımaǵy anyqtalǵan, sondyqtan aıtarlyqtaı jaqsarý bar.
Spıkerdiń aıtýynsha, portfeldik kompanııalardy ýaqytyly habardar etýdiń arqasynda kóptegen syn-qater aldyn-ala sheshilip otyrdy.
«Biz qordaǵy kompanııalar tobynyń áleýmettik turaqtylyq deńgeıin anyqtaý ádistemesin qaıta qaradyq. Jyl basynan beri zertteýler jyldyq negizde júrgiziledi. Jańa ádistemede problemalyq sátterdi shıeleniske deıin anyqtaýǵa múmkindik beretin máseleler eskerilgen. Osy qaıta qaraý arqyly erte eskertý júıesiniń (SWS) málimetinshe jáne 2022 jyldyń qorytyndysy boıynsha dabyl aımaqtarynyń sany 68-den 29-ǵa deıin qysqardy. Sondaı-aq, ótken jylmen salystyrǵanda kompanııalar tobyndaǵy ereýilder sany aıtarlyqtaı tómendedi. 2022 jyldyń alǵashqy 7 aıynda 57 ereýil oqıǵasy tirkelse, bıylǵy 7 aıda – 12 narazylyq tirkelgen», - dedi Ǵıbrat Aýǵanov.
Sonymen birge, Ǵ. Aýǵanov kompanııalar tobynda jylyna eki ret zertteýler júrgiziletinin aıtty.
Jańa ádistemede shıelenis týdyrýy múmkin problemalyq sátterdi erte anyqtaýǵa kómektesetin aspektiler bar.
Otyrys qorytyndysy boıynsha qatysýshylar qordyń qoǵamdyq keńesinen birqatar usynymdar aldy jáne «Samuryq-Qazyna» AQ kompanııalar tobynda áleýmettik turaqtylyq deńgeıin arttyrý jáne áleýmettik áriptestik qaǵıdattaryn nyǵaıtý baǵytyndaǵy ári qaraıǵy qadamdar týraly sheshim qabyldady.
«Búgin aıtylǵan barlyq usynystardy qarastyraıyq. Olardyń eshqaısysy nazardan tys qalmaıdy. Bul merdigerlik uıymdarǵa qoıylatyn talaptarǵa da, ujymdyq sharttardyń da máselelerine qatysty. Biz munyń bárin hattamaǵa engizip, taǵy da talqylaımyz», - dedi qoǵamdyq keńes tóraǵasy Bolat Jámishev.