«Samuryq-Qazyna» Dırektorlar keńesi janyndaǵy komıtette taǵaıyndaýlar boldy
Bul týraly «Samuryq-Qazyna» AQ Іshki jáne syrtqy kommýnıkatsııalar departamentinen habarlady.
Álıhan Smaıylov 2015 jyldyń jeltoqsan aıynan beri Qazaqstan Respýblıkasy Prezıdentiniń kómekshisi qyzmetin atqarady jáne «Samuryq-Qazyna» AQ Dırektorlar keńesiniń múshesi. Túrli kezeńderde ol Qazaqstan Respýblıkasynyń Statıstıkalyq josparlaý jáne reformalar jónindegi agenttiginde, Qazaqstan Respýblıkasynyń Statıstıka jónindegi agenttiginde, «Eksporttyq kredıtterdi jáne ınvestıtsııalardy saqtandyrý memlekettik korporatsııasy» aktsıonerlik qoǵamynda jetekshi qyzmetterdi atqarǵan. Qazaqstan Respýblıkasynyń Prezıdenti Ákimshiliginiń uıymdastyrý-baqylaý bóliminiń memlekettik ınspektory, Qazaqstan Respýblıkasynyń syrtqy ister jáne qarjy vıtse-mınıstri boldy. «Eren eńbegi úshin», «Qazaqstan Respýblıkasynyń táýelsizdigine 10 jyl», «Qazaqstan Konstıtýtsııasyna 10 jyl», «Astanaǵa 10 jyl» medalderimen, «Eýrazııalyq ekonomıkalyq odaqty qurýǵa qosqan úlesi úshin» II dárejeli medalimen marapattalǵan.
Sonymen qatar, Dırektorlar keńesi otyrysynyń barysynda, Talǵat Sársenbaev «Samuryq-Qazyna» men onyń kompanııalary tobynyń ombýdsmeni bolyp taǵaıyndaldy. Korporatıvtik ortalyqtyń ombýdsmeni qyzmetin buǵan deıin Qordyń korporatıvtik hatshy qyzmetiniń jetekshisi-Korporatıvtik hatshynyń orynbasary Járdem Qurmanǵazıev qoǵamdyq negizde atqaryp kelgen.
«Samuryq-Qazyna» AQ men onyń kompanııalary tobynyń ombýdsmeni Qor men onyń uıymdaryndaǵy kókeıkesti áleýmettik-eńbek máselelerin sheshýde jáne qyzmetkerler tarapynan iskerlik ádep ustanymdarynyń saqtalýyn qamtamasyz etýde mańyzdy ról atqarady. Ol Qor tobyna kiretin organdar men laýazymdy tulǵalardyń qaraýyna júıeli sıpattaǵy ózekti máselelerdi shyǵaryp, olardy sheshý úshin syndarly usynystar jasaıdy.
Talǵat Sársenbaev - zań ǵylymdarynyń doktory, professor. Sonymen qatar, Nazarbayev University Executive MBA dárejesi bar. «Nur Otan» partııasy janyndaǵy Quqyqtyq keńestiń, Qazaqstan Respýblıkasy Joǵarǵy Sotynyń Ǵylymı-konsýltatıvtik keńesiniń, Qazaqstan Respýblıkasy Joǵarǵy Soty Keńesi janyndaǵy biliktilik komıssııasynyń, Qazaqstan zańgerleri odaǵynyń múshesi. Sondaı-aq, «Femıda» halyqaralyq zańgerlik syılyǵynyń ıegeri. Buǵan deıin «Samuryq-Qazyna» AQ Quqyqtyq máseleleri jónindegi bas dırektory-Basqarma múshesi laýazymynda jumys istedi.
Ombýdsmen ár eki jyl saıyn qaıta saılanýy tıis. Ol óz qyzmetin baǵalaıtyn Qordyń Dırektorlar keńesiniń Taǵaıyndaýlar men syıaqylar jónindegi jáne Aýdıt jónindegi komıtetteri aldynda, jylyna kem degende bir márte, atqarylǵan jumys qorytyndysy týraly esep berýge mindetti.