«Samuryq-Qazyna» bıyl somasy 3 mlrd. dollardy quraıtyn 16 iri ınvestıtsııalyq jobany iske qosady

ASTANA. QazAqparat - «Samuryq-Qazyna» UÁQ» AQ bıyl jalpy somasy 3 mlrd. dollardy quraıtyn 16 iri ınvestıtsııalyq jobany iske qosady. Bul týraly búgin atalǵan qordyń bas dırektory - basqarma múshesi Berik Bısenǵalıev málim etti.

«2014 jyly jalpy somasy 3 mlrd. dollardy quraıtyn 16 iri ınvestıtsııalyq jobany iske qosqaly otyrmyz. Qazirdiń ózinde osy ınvestıtsııalyq jobalardy iske asyrýda ýaqytsha 10 myńnan astam jumys qurylǵan. Al jyldyń aıaǵynda barlyq joba iske qosylǵannan keıin 9 myń turaqty jumys orny ashylady», - dedi B.Beısenǵalıev. Sonymen qatar onyń atap ótýinshe, 2015-2016 jyldar qordyń josparyna sáıkes jalpy somasy 23 mlrd. dollardy quraıtyn 40 úlken ınvestıtsııalyq joba iske qosylatyn bolady. «Aıta keterligi, 2011-2013 jyldary «Samuryq-Qazyna» qory 29 úlken jobany iske qosty. Jalpy somasy 4,5 mlrd. dollardy quraıdy. Sol jobalardyń arqasynda jańadan 10 myńnan astam turaqty jumys orny ashyldy», - dedi ol.