«Samuryq-Qazyna» AQ laýazymdardy greıdırleý jobasyn iske asyrady
Sondaı-aq, korporatıvtik mádenıet, jetekshilik pen basqarý stılin ózgertý, qyzmetkerlerdiń múmkindikterin ashý jaıy da keńinen sóz boldy.
Adam resýrstaryn basqarý jónindegi Bas dırektor Qordyń HR-qyzmeti kompanııadaǵy laýazymdardy greıdırleý jobasyn jobasyn qolǵa alǵanyn jetkizdi.
«Jańalyq, naqty mindetterdi sheshý aıyrmasyna qaramastan kompanııalardaǵy dırektorlardyń jalaqysy birkelki bolyp keledi. Merıtokratııada mundaı bolmaýy tıis. Biz ákimshiler men qyzmetkerlerdi yntalandyrýdy qolǵa aldyq. Osy rette Qazaqstandaǵy, TMD men álemdegi naryqty ózara salystyrýdy maqsat etemiz. Bul talanttardy irikteý platformasyn jasaýǵa múmkindik beredi», - deıdi Denıel Krıýsberg.
Sonymen qatar, Qor jańa tolqyn jetekshilerdiń tobyn jasaqtaýdy qolǵa alady. Bul úshin HR-qyzmet arnaıy baǵdarlama da jasady. Buǵan sáıkes belsendi mamandardy basymdyǵy joǵary jobalarǵa, jaýapty qyzmetterge taǵaıyndaý qarastyrylǵan.
D.Krıýsberg «Samuryq-Qazyna» AQ qyzmetkerlerin jaldaý úderisiniń jetildirilip jatqanyn da aıtty.
«Biz aldymyzǵa jańa maqsat-mindetter qoıyp otyrmyz. Osy oraıda myna málimetterdi keltirgim keledi. 2014 jyly jaldanǵan qyzmetkerlerdiń 85 %-y aǵylshyn tilin erkin meńgergen. 2012 jyly bul kórsetkish 30% ǵana bolatyn. 2014 jyly jaldanǵan qyzmetkerlerdiń 90%-y qazaq tilinde erkin sóıleıdi. 2012 jyly 50% ǵana edi. 2014 jyly jumysqa qabyldanǵan úmitkerlerdiń 70%-ynyń sheteldik dıplomy bar. 2012 jyly 30% bolatyn. 2014 jyly mamandardyń 60%-y bizge halyqaralyq kompanııalardan, sonyń ishinde 40 %-y «úlken tórttikten» keldi. 2012 jyly bul kórsetkish, tıisinshe 20% jáne 10% bolatyn. Árıne, bári oıdaǵydaı dep aıtýǵa kelmes, biraq biz qarapaıym halyqaralyq standarttardy basshylyqqa ala otyryp, damyp, jetilip kelemiz», - dedi Denıel Krıýsberg.
Depýtattar HR transformatsııasy aıasyndaǵy jumystarǵa joǵary baǵa berdi.
«Qordyń óz qyzmetkerleri arasynda úlken jumystar atqaryp jatqanyn kórip otyrmyz. Kompanııalardyń merıtokratııa jolyna túskeni quptarlyq. Qyzmetkerlerdi úzdiksiz oqytý men talanttardy irikteý qolǵa alynǵan. Bul óte mańyzdy. Belsendi, qýatty adam kapıtaly bolmaı transformatsııa baǵdarlamasyndaǵy maqsattarǵa jetý múmkin emes», - dep atap ótti senator Serik Nógerbekov.
«Samuryq-Qazyna» AQ bıznesti transformatsııalaý baǵdarlamasymen tanysqan depýtattar Qorǵa memlekettik-jeke áriptestikti damytýǵa kóńil bólý qajettigin de aıtty. Bul, óz kezeginde, Memleket basshysy bastamalarynyń oryndalýyna jáne ulttyq ekonomıkanyń damýyna Qor kompanııalar tobynyń qosqan úlesi bolmaq, dep habarlaıdy «Samuryq-Qazyna» AQ Korporatıvti kommýnıkatsııalar bólimi.