«Samuryq-Qazyna» AQ kompanııalar toby Eńbek áýletteri kúnin atap ótti
dástúrinen jańylmaǵan qyzmetkerler otbasylarǵa arnalǵan Eńbek áýletteri kúnin atap ótýde.
Uıymdastyrýshylardyń aıtýynsha, atalmysh shara urpaqtar sabaqtastyǵyn qoldaýǵa jáne áleýmettik turaqtylyqtyń belgisi bolǵan eńbek áýletteri ınstıtýtyn qalyptastyrýǵa úlken serpin bermek.
«Eńbek áýletteri belgili bir memleketti ǵana emes, tutas álemdi ustap turǵan ınstıtýt. Búgingi merekelik qabyldaýǵa ulttyq qorǵa kiretin kompanııalarda qyzmet isteıtin eńbek dınastııalarynyń 9 otbasysy qatysyp otyr. Olardyń qatarynda temirjolshylar, baılanys, poshta qyzmetkerleri bar. Keıbir otbasylardyń eńbek ótili 300-400 jyldan asyp otyr. Osyndaı adamdardy biz nege qurmettemeske?! Bundaı shara tek "Samuryq-Qazyna" kompanııasynyń ishinde ǵana shektelip qalmaı, eldiń ózge kásiporyndaryna da tarasa degen tilek bar", - deıdi «Samuryq-Qazyna» UÁQ-nyń Áleýmettik seriktestik ortalyǵynyń basshysy Nurlan Erimbetov.
Mereke sheńberinde Qor basshysy Ómirzaq Shókeev áke izin qýǵan eń úzdik eńbek otbasylarynyń múshelerin «Eńbek áýleti» medalimen saltanatty túrde marapattady.