«Samuryq-Qazyna» AQ-da Transformatsııa baǵdarlamasyn júzege asyrý barysy boıynsha baqylaý komıtetiniń alǵashqy otyrysy ótti
Bul kúni aldymen bıznesti transformatsııalaý baǵdarlamasyn júzege asyrýdy baqylaý jónindegi Komıtettiń alǵashqy otyrysy ótkizildi. Oǵan Qor kompanııalary tobyndaǵy Baǵdarlamany júzege asyrýǵa jaýapty negizgi enshiles kompanııalardyń jetekshileri shaqyrylǵan.
Komıtet otyrysynda Baǵdarlamany júzege asyrý barysy týraly esep tyńdalyp, ulttyq kompanııalardyń jetekshilerine júktelgen tapsyrmany oryndaý tártibi men árekettiń úılesimdiligin qamtamasyz etýge baǵyttalǵan birqatar naqty mindetter júkteldi.
Qazir «Samuryq-Qazyna» tobyndaǵy kompanııalar negizgi qyzmetindegi bıznes-protsesterdi qaıta qarap (reınjınırıng), korporatıvtik basqarý, memlekettik organdarmen árekettestik jáne t.b. protsesterdi jiti saralap jatyr.
Sondaı-aq, otyrysta kompanııalar toby jumysynyń jalpy jınaqtalǵan nátıjesi, iri ınvestıtsııalyq jobalar, salalyq bastamalar men áleýmettik jaýapkershilik máseleleri qaraldy.
«Samuryq-Qazyna» AQ basshylyǵy kompanııanyń dırektorlar Keńesine Ulttyq ál-aýqat qory men Qazaqstan Respýblıkasynyń Úkimeti arasynda jasalǵan ózara árekettestik jónindegi Kelisimdi júzege asyrý barysyn baıandady.
Qor men enshiles kompanııalardyń aǵymdaǵy jáne kapıtaldyq shyǵyndaryn azaıtý qamynda qabyldanǵan sharalardy eskere otyryp, dırektorlar Keńesi «Samuryq-Qazyna» AQ damý josparyna engizilgen túzetýlerdi bekitip berdi.
Ózge de birqatar ózekti máseler qaralyp, dırektorlar Keńesi olarǵa qatysty naqty sheshimder qabyldady, dep habarlady qordyń baspasóz qyzmetinen.