«Samuryq-Qazyna» AQ aldaǵy jyldary munaıdyń bir barrelin 45 dollar deńgeıinde boljap otyr

ASTANA. QazAqparat - «Samuryq-Qazyna» AQ 2018 jylǵa deıin munaıdyń bir barreli 45 dollar deńgeıinde bolatynyn boljap otyr. Bul týraly búgin Astanada ótken baspasóz máslıhatynda atalǵan Qordyń Strategııa jáne aktıvter qorjyny jónindegi basqarýshy dırektory - Bas qarma múshesi Baljıt Grıýal málim etti.

«Eger de munaı baǵasyna toqtalatyn bolsaq, 2017-2018 jyldarǵa bir barreline ortasha alǵanda 45 dollardy boljap otyrmyz. Bizdiń oıymyzsha, bul ońtaıly ári qarapaıym kórsetkishter jáne oǵan bizdiń jospar negizdelip otyr, eger de baǵa budan joǵary bolsa, bul óz kezeginde Qor úshin qolaıly faktor bolar edi», - dedi B. Grıýal.

«Samuryq-Qazyna» AQ baspasóz qyzmetiniń málimetine qaraǵanda, 2016-2020 jyldary Qor suranystyń azaıýy, shıkizatqa baǵanyń tómendeýi, qorjyn deńgeıine qaryz salmaǵynyń artýy saldarynan aýyr ekonomıkalyq jaǵdaıda jumys isteıdi. Alaıda, osy kúrdeli jaǵdaıǵa qaramastan, «Samuryq-Qazyna» AQ 2016 jyldy 100,85 mlrd. teńge kólemindegi taza tabyspen aıaqtaýdy josparlap otyr. Sonymen qatar odan arǵy jyldary strategııalyq bastamalardy tıimdi júzege asyrý arqasynda Qordyń jıyntyq taza tabysy turaqty túrde ósetin bolady.