«Samuryq-Qazyna» AQ 2016 jyldy taza tabyspen aıaqtaýdy josparlap otyr

ASTANA. QazAqparat - 2016 jyldy «Samuryq-Qazyna» AQ taza tabyspen aıaqtaıdy. Bul týraly búgin Astanada ótken baspasóz máslıhatynda atalǵan Qordyń Strategııa jáne aktıvter qorjyny jónindegi basqarýshy dırektory - Basqarma múshesi Baljıt Grıýal málim etti.

«Samuryq-Qazyna» AQ baspasóz qyzmetiniń málimetine qaraǵanda, 2016-2020 jyldary Qor suranystyń azaıýy, shıkizatqa baǵanyń tómendeýi, qorjyn deńgeıine qaryz salmaǵynyń artýy saldarynan aýyr ekonomıkalyq jaǵdaıda jumys isteıdi. Alaıda, osy kúrdeli jaǵdaıǵa qaramastan, «Samuryq-Qazyna» AQ 2016 jyldy 100,85 mlrd. teńge kólemindegi taza tabyspen aıaqtaýdy josparlap otyr. Sonymen qatar odan arǵy jyldary strategııalyq bastamalardy tıimdi júzege asyrý arqasynda Qordyń jıyntyq taza tabysy turaqty túrde ósetin bolady.

Budan bólek, «Samuryq-Qazyna» AQ jańa jáne ósip kele jatqan kompanııalarǵa ınvestıtsııa salýdy jalǵastyrady. Atalǵan uıymdarǵa 2016 jyly 98 mlrd. teńge jáne 2017 jyly 63 mlrd. teńge salý kózdelgen. 2016-2020 jyldary jańa jánen ósip kele jatqan kompanııalarǵa salynatyn jalpy ınvestıtsııa kólemi shamamen 215 mlrd. teńgege jýyqtaıdy.

«2016 jyldan bastap Qor óziniń ınvestıtsııalyq qorjynyn ártaraptandyryp, jańartý maqsatynda belsendi túrde ınvestıtsııalyq múmkindikter izdep, jańa jáne ósip kele jatqan kompanııalarǵa kómek beretin bolady», - dedi B. Grıýal.