«Samuryq-Qazyna» 2020 jylǵa qaraı elimizdiń JІÓ-ine 2 trln. teńge kiris ákeledi - Ó.Shókeev
12:23, 06 Qazan 2014
ASTANA. QazAqparat - «Samuryq-Qazyna» 2020 jylǵa qaraı elimizdiń JІÓ-ine 2 trln. teńge úles qosady. Bul týraly búgin «Samuryq-Qazyna» UÁQ» AQ transformatsııa forýmy barysynda atalǵan qordyń basqarma tóraǵasy Ómirzaq Shókeev aıtty.
«Eń aldymen qor jańa qun qalyptastyrýǵa shoǵyrlanýy tıis. Bul rettegi basty maqsaty 2020 jylǵa qaraı ekonomıkalyq kiristiń oń kórsetkishterine shyǵý bolyp sanalady. Bul jalpy ishki ónimge 2 trln. teńge nemese 11 mlrd. dollar qosymsha úles qosýǵa múmkindik beredi», - dedi Ó.Shókeev.
Qor basshysynyń sózine qaraǵanda, Transformatsııa baǵdarlamasy aıasynda Qor jumysyn jańǵyrtý, ınvestıtsııa salý talaptaryn jetildirý, bıznes-protsester men portfeldiń qurylymyn ońtaılandyrý, sonymen qatar Qor jumysyn keń kólemde qaıta quryp, qaǵazbastylyqtan arylý qamtylady.