Samuryq, Kaztsınk, Qazaqmys, ERG: Abaı oblysyndaǵy órtpen kúreske alpaýyt kásiporyndar qandaı kómek berip jatyr
Búgin «KAZ Minerals» toby Abaı oblysyndaǵy órttiń saldaryn joıýǵa 135 mln teńge bólgenin habarlady.
«Qarajat órtten zardap shekkenderge materıaldyq kómek kórsetýge jáne tabıǵı apat keltirgen zalaldy joıýǵa jumsalady», - delingen resmı málimette.
Al quramynda «QazMunaıgaz», «QazAtomÓnerkásip», «Qazaqstan Temir joly», «Qazaq Air», «Eır Astana», «Qazposhta», «Samruk-Kazyna Construction», «Qazaqtelekom», «Samuryq-Energo», «KEGOC», «Samuryq-Qazyna Óńdeý», «Taý-Ken Samuryq» sııaqty qorjyn kompanııalary bar «Samuryq-Qazyna» ulttyq ál-aýqat qory 200 mln teńge qarajat baǵyttady.
Qor basshysy Nurlan Jaqypovtyń aıtýynsha, bul aqsha órt kezinde qaýipsiz jerge kóshirilgen turǵyndar men tilsiz jaýmen kúreske tartylǵan mamandarǵa gýmanıtarlyq kómek retinde ıgeriledi. 200 mln teńge Samruk-Kazyna Trust korporatıvtik qaıyrymdylyq qory arqyly aýdarylmaq.
Degenmen, «Samuryq-Qazyna» tobyna kiretin kompanııalar óz betimen de órtpen kúreske úles qosyp jatyr. Mysaly, «Qazaqtelekom» órtten zardap shekken eldi meknederdi baılanyspen qamtamasyz etýge mindet aldy.
Órtke baılanysty qurylǵan jedel shtabty baılanyspen, ınternetpen qamtamasyz etip qana qoımaım, mobıldi baılanys úshin qosymsha rezerv bóldi.
Al «Ksell» aktsıonerlik qoǵamy Tótenshe jaǵdaılar mınıstrligine irkilissiz jumys isteý úshin uıaly bazalyq stansalar berip, órt radıýsynda qalǵan abonentterge 60 mınýt tegin baılanys pen 10GB ınternet trafıgin usyndy.
Tele2/Altel mamandary TJM-ge kómek retinde apat aımaǵynda uıaly bazalyq stansany iske qosty. Baılanys kompanııasy mundaǵy abonentterge 60 mınýt tegin baılanys, 60 tegin SMS 10 GB trafık berip otyr.
«Eır Astanaǵa» enshiles loýkoster sanalatyn «FlyArystan» kompanııasy órt kezinde qaıtys bolǵan ormanshylardyń otbasyna 2023 jyldyń aıaǵyna deıin Semeıden Almaty, Astana, Shymkent qalalaryna jáne keri baǵytta tegin ushý múmkindigin usyndy.
Al órt sóndirýge qatysyp jatqan mamandarǵa bir ret tegin ushý quqyǵy berilmek.
Áýe kompanııasy Almaty, Astana jáne Shymkent qalalarynan jóneltiletin gýmanıtarlyq dúkti tasymaldaýǵa atsalysýǵa daıyn ekenin málimdedi.
«Qazaqstan temir joly» kompanııasyna qarasty jergilikti bólimshe de jerlesteriniń basyna túsken qıyndyqty birlesip eńserýge nıet tanytty.
Naqtyraq aıtsaq, semeılik temirjolshylar Abaı oblysyna qarasty aýyldardyń turǵyndaryna gýmanıtarlyq kómek jınap berdi.
«Semeı júk tasymaly bólimshesiniń qyzmetkerleri Abaı oblysyndaǵy orman órtinen shyqqan tútinniń saldarynan kóshirilgen aýyl turǵyndaryna gýmanıtarlyq kómek jınady. Temirjolshylar Semeı tehnıkalyq kolledji bazasynda ornalasqan evakýatsııa pýnktine azyq-túlik, sý, jemis-jıdek, kókónis, jýǵysh zattar, jaıalyq jáne gıgıenalyq quraldardy jetkizdi», - dep jazylǵan «Qazaqstan temir joly» UK»AQ baspasóz qyzmeti joldaǵan málimette.
Alpaýyt ónerkásip dese, esimizge «Samuryq-Qazynaǵa» tıesili ulttyq kompanııalardan bólek «ERG» toby oralady. Quramyna «Qazhrom», «Sokolov-Sarybaı ken-baıytý óndiristik birlestigi» «Qazaqstan Alıýmınııi», «Qazaqstan elektrolız zaýyty», «Eýroazıattyq energetıkalyq korporatsııa», «Shubarkól kómir», «3-Energoortalyk», «TransKom», «3-Energoortalyq» jáne «ERG Service» kompanııalary kiretin korporatsııa órtten zardap shekken óńirge 300 mln teńge bólgen kórinedi.
«Abaı oblysy ákimdiginiń kelisimimen ERG bólgen qarajat – 300 mln teńge «Semeı ormany» tabıǵı rezervaty aýmaǵynda otqa oranǵan orman alqabyn qaıta qalpyna keltirýge jáne órttiń saldarynan joıýǵa jumsalmaq.
Abaı oblysyndaǵy alapat órt barshamymyzdyń qabyrǵamyzǵa batty. Osyndaı sátte uıysyp, birligimiz bekem bolýy kerek. Aldaǵy ýaqytta órttiń saldaryn joıý qamynda aýqymdy jumys atqarylýy qajet. Kompanııa tarapynan bólingen qarajat qalpyna keltirý jáne aımaqqa tıisti kómek kórsetý maqsattaryna baǵyttalady. Byltyr qyrkúıekte ERG Qostanaı oblysyndaǵy alapat órttiń zardaptaryn joıýǵa da qomaqty qarajat baǵyttaǵan bolatyn. Bul qarjy órtke oranǵan alqaptarda ormandy qalpyna keltirýmen aınalysatyn uıymdarǵa aýdaryldy»,- deıdi ERG ırektorlary keńesiniń tóraǵasy Aleksandr Mashkevıch
Abaı oblysyna irgeles jatqan kendi Altaıdyń qoınaýynan tabysqa kenelip otyrǵan «Kaztsınk» kompanııasy da órtten zardap shekkenderge alǵashqylardyń biri bolyp kómek qolyn sozǵan edi.
«Osy aptada Abaı oblysyndaǵy qoryq orasan órtke oranǵanyn esterińizge salamyz. Aldyn-ala nusqa boıynsha Semeı ormany Jańa Shúlbi fılıalynyń on tórt qyzmetkeri (13 er adam jáne bir áıel) órtti jedel sóndirý úshin óz ýchaskelerine shyqqan. Olarmen baılanys úzildi. Іzdestirý jumystary arqyly qaza tapqan orman sharýashylyǵy jumyskerleriniń máıitteri tabyldy.
«Kaztsınk» olardyń otbasylaryna bir mıllıon teńgeden materıaldyq kómek berýge sheshim qabyldady» – dedi «Kaztsınktiń» bas dırektory Aleksandr Hmelev.
Eske salaıyq, 11 maýsymda «Halyk Bank» órtten qaıtys bolǵan jandardyń otbasyna 3 mln teńge kóleminde qarjylyq qoldaý kórsetetinin habarlaǵan edi.
Marqumdardyń otbasylaryna «Qazaqstan halqyna» qorynan 7 mln teńgeden, kámeletke tolmaǵan ár balaǵa 2 mln teńgeden tólenedi.
Eldegi 40-tan astam JOO órtten zardap shekken otbasylardyń stýdentterine granttar men jataqhanadan oryn berýge daıyn. Al aqyly negizde oqıtyn stýdentter men magıstranttardy grantqa aýystyrý kózdelip otyr.
Búgin Abaı oblysyndaǵy órtten zardap shekkenderge arnalǵan esepshot ashyldy.