«Samuryq-Energo» oblıgatsııalary bırja naryǵyna ornalastyrylady

ASTANA. 11 maýsym. QazAqparat - Qazaqstan qor bırjasynda (KASE) 12 maýsymda «Samuryq-Energo» AQ oblıgatsııalaryn ornalastyrý boıynsha arnaıy saýda-sattyq bolady.

Bul týraly «Halyqtyq IPO» baǵdarlamasynyń resmı saıty habarlady.

«Baǵaly qaǵazdardyń nomınaldyq quny - 1 000 teńge, emıssııanyń jalpy kólemi - 3 mlrd. teńge. Aınalym merzimi: 2012 jyldyń 12 qarashasy men 2015 jyldyń 12 qarashasy aralyǵy, jarty jyldyq kýpon - jylyna 6%. Saýda-sattyq barysynda satýshylar úshin barynsha tıimdi ótinishter qanaǵattandyrylady», - delingen habarlamada.

Saýda-sattyqqa qatysýǵa ótinishti tek KASE músheleri ǵana bere alady, al basqa ınvestorlarǵa bırja músheleri arqyly berýine bolady.
Eske sala keteıik, «Samuryq-Energo» aktsııalaryn «Halyqtyq IPO» baǵdarlamasy aıasynda ornalastyrý josparlanyp otyrǵan memlekettik kompanııalar tizimine kiredi.