«Samuryq-Qazyna» QAZAQ AIR aktsııalaryn satyp alý-satý shartyna qol qoıylǵanyn habarlady

<p>ASTANA. KAZINFORM &ndash; Bul týraly<strong> </strong>&laquo;Samuryq-Qazyna&raquo; aktsıonerlik qoǵamynyń baspasóz qyzmeti habarlady.</p>

Baspasóz qyzmetiniń málimetterine qaraǵanda, 2024 jylǵy 24 jeltoqsanda «QAZAQ AIR» AQ-yn 2023 jyldyń sońyna 81 mıllıard AQSh dollaryn quraıtyn Qazaqstannyń «Samuryq-Qazyna» AQ ulttyq ál-aýqattyń egemendi qory (Qor) jáne «Central Asia Aviation Holdings Limited» JK (Sovico Group JSC vetnamdyq konglomeratynyń tobyna kiredi) jáne «Kazasia Holdings Limited» JK quramyndaǵy konsortsıým arasynda básekeles ortaǵa berý sheńberinde mindetti tranzaktsııalyq qujattar paketine, onyń ishinde satyp alý-satý shartyna qol qoıyldy.

Atalǵan sharalar Qazaqstan Respýblıkasy Úkimetiniń «Jekeshelendirýdiń 2021-2025 jyldarǵa arnalǵan keıbir máseleleri týraly» 2020 jylǵy 29 jeltoqsandaǵy № 908 qaýlysyn iske asyrý sheńberinde jáne Ekonomıkany jańǵyrtý máseleleri jónindegi memlekettik komıssııanyń 2024 jylǵy 20 jeltoqsandaǵy jáne Qordyń Dırektorlar keńesiniń 2024 jylǵy 24 jeltoqsandaǵy sheshimderine tolyq sáıkes júzege asyryldy.

Satyp alý-satý sharty 2024 jylǵy 27 jeltoqsanda «QAZAQ AIR» aktsıonerlik qoǵamynyń aktsııalaryn básekeles ortaǵa berýdiń keıbir máseleleri týraly» № 1130 Qazaqstan Respýblıkasy Úkimetiniń jeke qaýlysy qabyldanǵannan keıin zańdy kúshine endi.

Bul rette mámile jabyq bolyp esepteledi, al aktsııalar taraptar kelisken barlyq aldyn ala sharttardy oryndaǵannan keıin ınvestorlardyń menshigine beriledi.

Mámileniń maqsaty – azamattyq avıatsııanyń otandyq naryǵyn odan ári damytý, onyń ishinde básekelestikti arttyrý, Qazaqstan Respýblıkasynan/Respýblıkasyna halyqaralyq turaqty reısterdi qarqyndatý, jumys oryndaryn qurý jáne t.b. esebinen damytý. Bul el ekonomıkasynyń aralas sektorlaryna da oń áserin tıgizedi dep kútilýde.

Kazasia Holdings Limited, tolyǵymen qazaqstandyq kompanııa, Qormen birge QAZAQ AIR seriktestik jáne birlesken basqarý qurý úshin Sovico Group JSC usynǵan bolatyn.

Mámileniń negizgi sharttary Satyp alý-satý shartynyń talaptaryna sáıkes ınvestorlar operatsııalyq tıimdilikti jáne uzaq merzimdi ornyqtylyqty arttyrýǵa nazar aýdara otyryp, QAZAQ AIR strategııalyq transformatsııasy men damýyna yqpal etetin bolady.

Osyǵan deıin Qazaq Air Astana - Ekaterınbýrg baǵytyndaǵy áýe reısterin ýaqytsha toqtatatynyn málimdegen bolatyn.