Samuryq-Qazyna: laýazymdy qyzmetke úmitkerlerdiń deni jemqorlyq synaǵynan súrindi

<p>Ulttyq qordyń laýazymdy qyzmetine ótinish bergen úmitkerlerdiń deni sybaılas jemqorlyqqa qarsy ótkiziletin arnaıy synaqtan ótpeı qalǵan, dep habarlaıdy QazAqparat tilshisi.</p>

«Qor kadr saıasatyna qatysty aýqymdy jumys júrgizdi. Jumys izdeýge arnalǵan «QSamruk» onlaın-platformasy jetildirildi. Ol bastapqyda tek qor kompanııalaryndaǵy vakansııalar úshin ashylǵan. Keıin basqa uıymdar da platformaǵa qyzyǵýshylyq tanytty. Qazir platformada 530 kompanııa men 165 myńnan astam adam tirkelgen. Byltyr barlyǵy 17 myńnan astam bos jumys orny jarııalansa, bıyl onyń sany 8 aıdyń ishinde 13 myńnan asyp ketti. Bos jumys oryndaryna 127 myńnan astam adam óz kandıdatýrasyn usyndy», - dedi «Samuryq-Qazyna» ulttyq qorynyń korporatıvtik basqarý, áleýmettik-eńbek máseleleri jáne eńbekti qorǵaý jónindegi basqarýshy dırektory Ǵıbrat Aýǵanov kompanııada ótken baspasóz máslıhatynda.

Onyń aıtýynsha, keıbir laýazymdarǵa úmitkerler polıgraf júıesi arqyly tekserýden ótedi.

«Bul qazirgi ýaqytta óte qajetti sharanyń biri. Sonyń arqasynda, úmitkerlerdiń jemqorlyqqa qanshalyqty beıim ekenin anyqtaýǵa bolady. Máselen, jyl basynan beri «Samuryq-Qazyna» kompanııalar tobynda 99 úmitker polıgraf arqyly tekserýden ótti. Onyń 64-i synaqtan ótpedi», - deıdi ol.
Buǵan deıin «Samuryq-Qazyna» jumysshylary 14 myń anonımdi aryz-shaǵym qaldyrǵany týraly habarlaǵan edik.