«Samuryq-Qazyna»: «QTJ»-ny defolt aldynda tur dep aıtýǵa bolmaıdy

<p>ASTANA. KAZINFORM &ndash; &laquo;Samuryq-Qazyna&raquo; ál-aýqat qory ekonomıka jáne josparlaý departamentiniń dırektory Mırat Ótepov Joǵary aýdıtorlyq palata tóraǵasy Álıhan Smaıylovtyń &laquo;Qazaqstan temir joly&raquo; kompanııasynyń defolt aldynda turǵany týraly málimdemesine pikir bildirdi.</p>

«Samuryq-Qazyna» AQ ekonomıka jáne qarjy jónindegi basqarýshy dırektory Aıdar Rysqulov qordyń 2023 jylǵy qarjylyq kórsetkishterin jarııalaýǵa arnalǵan baspasóz máslıhatynda «QTJ» ulttyq kompanııasy ótken jyldy qarjylyq turǵyda jaqsy aıaqtaǵanyn aıtty.

«Joǵary aýdıtorlyq palata «QTJ-nyń» qaryzdary 2,9 trln teńgege jetkenin aıtyp, kompanııa defolt aldynda turǵanyn aıtqan edi. Sizdiń baıandamańyzda kerisinshe. Sondaı palata tóraǵasy Á.Smaıylovtyń málimdemesimen kelispeısizder me?» - dep surady BAQ ókili.

Mırat Ótepovtiń aıtýynsha, qazir «QTJ» burynǵydaı qymbat qaryzdarǵa urynýdy azaıtqan.

«Bul jerde defoltty jaǵdaı dep aıtýǵa bolmaıdy. Sebebi qazirgi tańda «QTJ»-nyń qarjylyq turaqtylyǵyn nebir bedeldi reıtıng agenttikteri rastap otyr. Bulardyń boljaýlary jańymdy, oń kórsetkish. Sebebi «QTJ»-nyń syrtqy qaryzy jyldan-jylǵa azaıyp keledi. Kezinde bolǵan qymbat qaryzdardy jeńildetýge jumys istep jatyrmyz. Sol sebepten defoltty jaǵdaıda dep aıta almaımyz. QTJ-nyń qaryzy tolyqtaı baqylaýymyzda», - dedi ol.