«Samuryq-Qazyna» qory qandaı jobalardy iske asyryp jatyr

<p>ASTANA. KAZINFORM &ndash; &laquo;Samuryq-Qazyna&raquo; AQ energetıka, munaı-gaz hımııasy, logıstıka jáne basqa da salalarda 130 jobany iske asyryp jatyr. Bul týraly atalǵan qordyń basqarma tóraǵasy Nurlan Jaqypov aıtty.</p>

— Búgingi tańda «Samuryq-Qazyna» energetıka, munaı-gaz hımııasy, logıstıka jáne basqa da salalarda jalpy quny 53 trln teńgeni quraıtyn shamamen 130 jobany iske asyryp jatyr. Bıyl biz jalpy quny 700 mlrd teńge bolatyn 4 iri jobany iske qostyq. Bul Almaty qalasy men aglomeratsııasyndaǵy JEO-2 jáne JEO-3 gaz ınfraqurylymyn tartý jobasy. Atalǵan joba 2026 jyly gazben jumys isteıtin JEO-2 jáne JEO-3-ti iske qosýǵa múmkindik beredi. Bul Almaty qalasynyń ekologııalyq jaǵdaıyn jaqsartýǵa yqpal etedi. MAES-1 stantsııasynyń birinshi energetıkalyq blogy qalpyna keltirilip, iske qosyldy. Bul shara energetıkalyq qaýipsizdikti kúsheıtýge jáne ótken kezeńderde bolǵan elektr energııasynyń tapshylyǵyn azaıtýǵa múmkindik beredi, - dedi ol.

Sondaı-aq qor basshysy Qytaıdyń Sıan qalasynda qurǵaq júk portynyń iske qosylǵanyn aıtty. Onyń ashylýy elimizdiń tranzıttik áleýetin arttyrýǵa múmkindik beredi. 

Odan bólek Qarashyǵanaq ken ornynda besinshi kompressor iske qosylǵanyn atap ótti. Bul shara kómirsýtekter óndirisin jylyna 10-11 mln tonnaǵa deıin arttyrýǵa sep bolady. 

Buǵan deıin «Samuryq-Qazyna» AQ memleketke qansha dıvıdend tólegenin jazǵan edik. 

Byltyr «Samuryq-Qazyna» AQ memleketke 460 mlrd teńge dıvıdend tólegen bolatyn. ıAǵnı bıylǵydan 119 mlrd teńge az. 

Alaıda, 2023 jylǵy taza tabys bıylǵydan sál joǵary bolǵan.