Seýlde Samsung Electronics kompanııasynyń qyzmetkerleri ereýilge shyqty

<p>ASTANA. KAZINFORM &ndash; Juma kúni ońtústikkoreıalyq Samsung Electronics kompanııasynyń kásipodaq uıymy ereýilge shyqty. Tehnologııa konglomeratynyń qyzmetkerleri jalaqyny kóterýdi suraǵan. Atalǵan kompanııa ókilderi qurylǵan ýaqyttan bastap 55 jyldan keıin alǵash ret mundaı qadamǵa baryp otyr. Bul týraly <a href="https://www.bbc.com/russian/articles/clddk9z6w6lo" target="_blank" rel="noopener">VVS</a> jazdy.&nbsp;</p>

28 myń múshesi bar Samsung Electronics Ulttyq Odaǵy (NSEU) kompanııanyń Seýldegi qyzmetkerleri beısenbi kúni memlekettik mereke men demalys kúnderine sáıkes keletin juma kúni, ıaǵnı 7 maýsymda bir kún jumysqa shyqpaıtynyn málimdedi. 

Kásipodaq ókilderi tehnologııalyq alpaýyt basshylyǵymen jalaqyny kóterý jáne bonýstar týraly kelissózderdiń birneshe bóligi buzylǵanyn aıtty.

«Búgingi ereýildiń maqsaty – basshylyqpen sóılesip, ortaq mámilege kelý», - dedi NSEU ókili Lı Hen Kýk Reuters agenttigine bergen suhbatynda. 

Samsung Electronics bul ereýildiń kompanııanyń óndirisine nemese iskerlik qyzmetine áser etpegenin aıtty. 

«Biz kásipodaqpen shyn júrekten yntymaqtastyq ornatyp, kelissóz júrgizýdi jalǵastyramyz», - dep atap ótti kompanııa ókilderi.