Samsung Electronics elimizde turmystyq tehnıka shyǵaratyn óndiris ashpaq

<p>ASTANA. KAZINFORM &ndash; Samsung Electronics kompanııasy elimizde turmystyq tehnıka shyǵaratyn óndiris ashýǵa nıet bildirdi. Bul týraly Aqordada Ońtústik Koreıa Prezıdenti ıÝn Sok Elmen kelissózderden keıingi birlesken málimdeme barysynda Memleket basshysy Qasym-Jomart Toqaev aıtty.</p>

«Biz Prezıdent ıÝn Sok El myrzamen jan-jaqty yntymaqtastyqty nyǵaıtýǵa kelistik. Ásirese, ınfraqurylym, óndiris, qarjy, energetıka, ekologııa, avtomobıl men aeroǵarysh ónerkásibi, ІT, tsıfrlandyrý jáne basqa da salalarǵa basymdyq berip otyrmyz. Qazir Doosan Enerbility kompanııasy Túrkistanda bý-gaz qondyrǵysy arqyly jumys isteıtin elektr stansasyn salyp jatyr. Sonymen qatar Samsung Electronics kompanııasy elimizde turmystyq tehnıka shyǵaratyn óndiris ashýǵa nıet bildirdi. Biz mundaı bastamany barynsha qoldaımyz», - dedi Prezıdent.

Memleket basshysynyń atap ótýinshe, GL Rapha kompanııasy Astanada bıofarmatsevtıka zaýytyn salýdy josparlap otyr.

«Kelissóz barysynda sırek kezdesetin metaldardy birlesip zertteý jáne óndirý máselesin de qarastyrdyq. Biz Qazaqstan naryǵyna kirgisi keletin koreı kompanııalaryna qolaıly jaǵdaı jasaýǵa daıynbyz. Ony júzege asyrýdyń naqty joldary bar. Úkimetaralyq komıssııa iskerlik keńespen bıznes qaýymdastyǵy arasyndaǵy jumys toby quryldy. Bul qurylymdar ekijaqty ekonomıkalyq baılanysty nyǵaıtýǵa zor serpinin tıgizedi dep senemiz”, - dedi Qasym-Jomart Toqaev.