Sambodan álem chempıonaty: alǵashqy kúni Qazaqstan qorjynyna qos medal tústi

<p>Armenııa astanasy Erevanda sambodan eresekter arasynda ótip jatqan álem chempıonatynyń alǵashqy kúni Qazaqstan qorjynyna eki medal tústi, dep habarlaıdy <a href="Kazinform" target="_blank" rel="noopener">Kazinform</a>.</p>

Sportty damytý dırektsııasynan málim etkenindeı, qazaqstandyq Margarıta Bajaeva 50 kelige deıingi salmaqta fınalǵa deıin súrinbeı jetti.

M.Bajaeva sheshýshi beldesýde ózbekstandyq Gýlsevar Ýrakovaǵa ese jiberdi.

Margarıta byltyr da álem birinshiligine qatysyp, 5-orynǵa turaqtaǵan edi.

Sondaı-aq Gúldana Álmuhambetova 54 kelige deıingi salmaqta qola júlde úshin básekede ótken jylǵy álem chempıony, Belarýs ókili Alena Kýpavany utyp, úzdik úshtikke ilikti.

Foto: Foto: QR Týrızm jáne sport mınıstrligi Sport jáne Dene shynyqtyrý isteri komıteti

Osylaısha, alǵashqy kúndi Qazaqstan quramasy 1 kúmis, 1 qola medalmen qorytyndylady.

Sambodan álem birinshiligine 62 memleketten 335 sportshy qatysyp jatyr.

Atalmysh týrnır Reseı men Ýkraına elderi bir mezette bastary qosylǵan sanaýly jarystyń qataryna kirdi. Degenmen, saıysta qos eldiń ókilderi qol alyspaıdy.

Sondaı-aq aıtýly dodaǵa Ázerbaıjan men Túrkııa qatysýdan bas tartty.
Chempıonat 12 qarashada máresine jetedi.