Sambo: Temirlan Kólbaı álem chempıony atandy

<p>ASTANA. KAZINFORM - Búgin Astana qalasyndaǵy Jaqsylyq Úshkempirov atyndaǵy Jekpe-jek saraıynda bastalǵan sambodan álem chempıonatynda Qazaqstan qorjynyna alǵashqy altyn medal tústi, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.</p>

Sporttyq sambodan asa aýyr salmaqtaǵy Temirlan Kólbaı (+98 kg) fınalda mońǵolııalyq sportshy Pýrevdorj Damdınchýrennen basym tústi. Otandasymyz jarys barysynda Kenıchı Nakaıama (Japonııa), Bred Flores (Gondýras), Nurbek Týraevty (Ózbekstan) jartylaı fınalda Stepan Soldatenkovty (FIAS) utqan.

Sondaı-aq búgin Qazaqstan quramasynyń sportshylary 4 qola júldege ıe boldy.

Sporttyq sambo: Armat Qabdolov (58 kg), Araılym Ábenova (+80 kg)

Jaýyngerlik sambo: Quralaı Kabraıqyzy (54 kg), Maratbek Rahmetollın (64 kg);

Bıylǵy sambo básekesine 80 memleketten 470 sportshy jınaldy. Al elimizdiń namysyn 28 otandasymyz qorǵaıdy. Jalpy 10 qarashaǵa deıin jalǵasatyn dodada sporttyq jáne jaýyngerlik sambodan bólek, zaǵıp jandar (SVI-1) 31 júlde jıyntyǵyn sarapqa salatyn bolady.

Bıylǵy álem chempıonatynyń ereksheligi - áıelder arasynda jaýyngerlik sambo men zaǵıptardyń saıysy birinshi márte engizilýi.

ÁCh-nyń jalpy júlde qory 311 myń AQSh dollary (1-oryn - 4 000 dollar, 2-oryn - 3 000 dollar, 3-oryn - 2 000 dollar jáne zaǵıptar arasyndaǵy chempıon - 1 000 dollar).

Osyǵan deıin Astanada 2005 jyly qarashada sporttyq sambodan álem chempıonaty ótip, Ulttyq qurama 1 altyn, 3 kúmis, 6 qola medal jeńip alǵan.