Samatáli Tóltaev kásipqoı bokstaǵy alǵashqy jekpe-jeginde jeńiske jetti

<p>AQTAÝ. KAZINFORM - Ystanbulda ótken kásipqoı boks keshinde mańǵystaýlyq boksshy Samatáli Tóltaev jeńiske jetti. 67 kelide baq synaǵan sportshy alǵashqy 6 raýndtyq kezdesýde túrik Refık Tarhannyń osal tusyn taba bildi.</p>

Sportshynyń menedjeri Janpeıis Nazarǵalı S.Tóltaev kelesi kezekte mamyr aıynda sharshy alańǵa shyǵý josparlap otyrǵanyn atady. 

2023 jyldyń basynda Samatáli Tóltaevtyń qan synamasynan dopıng tabylyp, áýesqoı bokstan 2026 jylǵa deıin shettetilgen bolatyn. Alaıda ol 1 jyldan keıin kásipqoı boksqa bet burǵany belgili boldy.

Buǵan qatysty sportshynyń menedjeri arnaıy pikir bildirgen edi. Sportshydan dopıng anyqtaǵan ýaqyttan keıin araǵa 6 aı salyp, qaıta tekseristen ótkende Tóltaevtyń synamasy taza bolyp shyqqan. Osylaısha ol kásipqoı boksqa bet buryp, bolashaqta álem chempıony atanýdy kózdep otyr.

Samatáli Tóltaev áýesqoı boksta 2022 jyly Debretsendegi (Vengrııa) Ishtvan Bochkaıdy eske alýǵa arnalǵan halyqaralyq týrnırdiń jeńimpazy, QR chempıony, Azııa birinshiliginiń qola júldegeri atanǵan.