Samat Nurtaza: Saılaý bıýlletenderine «bárine qarsymyn» jazýy engizilýi – demokratııanyń tóri
«Memleket basshysynyń aıtqan sózine qatysty eki másele kóńilimnen shyqty. Onyń birinshisi, Prezıdenttiń «Saıası partııalardyń Májiliske ótý shegin 7%-dan 5%-ǵa tómendetýimiz kerek. Osyndaı sheshimdi qabyldaıtyn ýaqyt keldi, óıtkeni atalǵan norma zań júzinde tirkelgen partııalardy aldaǵy saılaýlarǵa qatysýǵa yntalandyrady» dep aıtýy. Meniń oıymsha, bul – demokratııanyń jemisi. Mundaı sheshim Qazaqstannyń saıası arenasynda jańa partııalardyń paıda bolýyna, qoǵamda lıberalızm men demokratııanyń paıda bolýyna sebepker bolady. Bul – birinshi másele», - deıdi saıasattanýshy Samat Nurtaza.
Ol Memleket basshysy kótergen máseleler ishindegi kóńilinen shyqqan taǵy bir máselege toqtalyp ótti.
«Ekinshiden, Memleket basshysy «Bizdiń basty maqsatymyzdyń biri – adam quqyqtaryn tolyq qorǵaý. Bul rette, azamattardyń tańdaý erkindigin barynsha qamtamasyz etý óte mańyzdy. Álemdik tájirıbede adamnyń qandaı da bir saılaýǵa kelispeıtinin nemese úmitkerlerdiń bárine qarsy ekenin zańdy túrde bildirý quqyǵy keńinen qalyptasqan. Shyn máninde, balamaly pikir jáne bárine qarsy daýys berý uǵymy biz úshin de qalypty nárse bolýǵa tıis. Sondyqtan, barlyq deńgeıdegi saılaý bıýlletenderine «bárine qarsymyn» degen jazý engizgen jón. Bul bastama azamattardyń saılaý quqyǵyn qorǵaýǵa jaǵdaı jasaıdy» dedi. Bul – demokratııanyń naǵyz tóri dese bolady, sebebi kóptegen memlekette mundaı pýnkt joq. ıAǵnı, ne saılaýda áldebir kandıdatty tańdaısyń nemese bıýlletendi qurtasyń. Barlyq deńgeıdegi saılaý bıýlletenderine «bárine qarsymyn» degen jazýdyń engizilýi – memleket ózine qansha adam qarsy ekenin anyqtap, óz qateligi boıynsha jumys isteýge múmkindik beretin óte durys sheshim. Osy pýnktiń bar bolýy Qazaqstan Respýblıkasyn barlyq demokratııa memleket arasyndaǵy bedelin joǵarylatyny sózsiz», - deıdi ol.