Samat Ábishke qatysty qylmystyq isti tergeý aıaqtaldy

<p>Ulttyq qaýipsizdik komıteti tóraǵasynyń burynǵy birinshi orynbasary Samat Ábishke qatysty qylmystyq is boıynsha tergeý aıaqtaldy. Іs sotqa jiberildi, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

«Qazaqstan Respýblıkasy Bas prokýratýrasynyń Cotqa deıingi tergep-tekserý qyzmeti S.Ábishke qatysty qylmystyq isti tergeýdi aıaqtaǵanyn habarlaımyn. QR Qylmystyq kodeksiniń 362-babynyń 4-bóligi boıynsha is qozǵalyp, sotqa joldandy», - delingen atalǵan qyzmettiń basshysy Rızabek Ojarovtyń Kazinform agenttigine bergen resmı jaýabynda.

Osy qylmystyq is aıasynda Samat Ábish aýyr saldarǵa ákep soqtyrǵan bıligin jáne qyzmettik ókilettigin asyra paıdalandy degen kúdikke ilingen. Kúdiktige qatysty eshqaıda ketpeý týraly bultartpaý sharasy qabyldanǵan. Ol qazir Qazaqstan aýmaǵynan shyqpaǵan.

«Qylmystyq iste memlekettik qupııalardy qamtyǵan málimetter bar ekenin eskere otyryp, sotqa deıingi tergep-tekserý derekteri jarııa etilmeıdi», - dep atalyp ótken habarlamada.

Budan buryn habarlanǵandaı, byltyr 19 qyrkúıekte Samat Ábishke qatysty tergeý júrip jatqany habarlandy.