Samat Ábish bılik ókilettigin asyra paıdalaný faktisimen tergelýde – Bas prokýratýra

<p>Bas prokýrorynyń orynbasary Áset Shyndalıev Ulttyq qaýipsizdik komıteti tóraǵasynyń burynǵy birinshi orynbasary Samat Ábishke qatysty tergeý amaldary jalǵasyp jatqanyn aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">QazAqparat tilshisi.</a></p>

«Samat Ábishke qatysty tergeý amaldary jalǵasyp jatyr. QR Qylmystyq-protsessýaldyq kodeks talabyna sáıkes, sotqa deıingi tergep-tekserýdiń ózge derekteri jarııa etýge jatpaıdy. Bul jaıynda Bas prokýratýra tıisti málimetti jarııalaǵan bolatyn», – dedi Á. Shyndalıev.

Aıtýynsha, S. Ábishtiń elden ketpeý týraly qolhaty bar.

«Ol qazir Qazaqstanda. S. Ábishke qatysty Qańtar oqıǵalary kezinde bılik pen laýazymdy ókilettigin asyra paıdalaný faktisi boıynsha tergeý júrip jatyr. Elden ketpeý týraly qolhaty aıasynda onyń úıiniń aldynda qaraýyl bolmaıdy. Ol óz úıinde turady. Tergeýshi shaqyrǵan kezde, ózi barady. Sonymen qatar advokattarmen jáne basqa adamdarmen kezdese alady», – dedi Bas prokýrordyń orynbasary.

Budan buryn habarlanǵandaı, bıyl 19 qyrkúıekte Samat Ábishke qatysty tergeý júrip jatqany habarlandy 

Bul turǵyda Áset Shyndalıev S. Ábishke qatysty tegeý bastalǵanyna biraz ýaqyt ótkenin aıtty.