«Samara-Shymkent» avtojolyndaǵy aqaýlardy joıý jumystary bastaldy
16:50, 20 Naýryz 2024
<p>TÚRKІSTAN. KAZINFORM-Respýblıkalyq mańyzy bar M-32 «Samara-Shymkent» avtomobıl jolynyń Tórtkúl jáne Spataev eldi mekenindegi jol tósemesinde paıda bolǵan aqaýlardy joıý jumystary bastaldy.</p>
Búginde jol jóndeý jumystaryna 10 adam, 5 tehnıka jumyldyrylǵan. Jalpy uzyndyǵy 5 shaqyrym bolatyn jol tósemesinde paıda bolǵan aqaýlar tolyǵymen retke keltiriledi.
«Kún raıy jyly bolyp tursa birinshi sáýirge deıin jol jóndeý jumystaryn tolyq aıaqtaımyz. «Samara-Shymkent» respýblıkalyq avtojoly elimizdegi eń uzyn joldardyń qataryna jatady. Tasjol elimizdiń birneshe óńirinen ótedi. Avtotrassanyń jalpy uzyndyǵy - 2010 shaqyrym»-delingen «QazAvtoJol» UK AQ Túrkistan oblystyq fılıalynyń baspasóz qyzmeti taratqan aqparatta.