Samara mańyndaǵy apat. 7 qazaqstandyq Oral aýrýhanasyna jetkizildi

<p>ASTANA. KAZINFORM — Reseı aýmaǵynda qazaqstandyq azamattardyń qatysýymen bolǵan JKO týraly habardan keıin oqıǵa ornyna shuǵyl túrde 6 jedel járdem brıgadasy jolǵa shyqty.</p>

Densaýlyq saqtaý mınıstrliginiń málimetinshe, jol apaty «Samara — Bolshaıa Chernıgovka» tas jolynda (RF Samara oblysy) bolǵan. Kólik apatynan Qazaqstannyń alty azamaty, onyń ishinde eki bala zardap shekken. Búginde olar 6 sanıtarııalyq avtokóliktiń kómegimen Oral medıtsınalyq mekemelerine tasymaldandy. Taǵy bir zardap shekken qazaqstandyqty TJ departamentiniń brıgadasy jetkizdi. 

Zaqymdar men jaraqattardyń aýyrlyǵyn eskere otyryp, shuǵyl medıtsınalyq kómek kórsetý úshin brıgadalardyń quramynda balalar men eresekter travmatologtary, hırýrgtar, neırohırýrg, reanımatolog, 6 feldsher boldy. 

Foto: DSM

— Apattan zardap shekkenderde mıdyń shaıqalýy, aıaq-qoldardyń, jambas súıekteriniń, omyrtqanyń synýy, kógerý, gematoma jáne ortasha aýyrlyq dárejesindegi kóptegen jaraqattar tirkeldi. Búgin tańerteń zardap shekken 5 eresek adam Oral qalalyq kópbeıindi aýrýhanasyna, 2 bala oblystyq kópbeıindi balalar aýrýhanasyna emdeýge jatqyzyldy, onda olarǵa medıtsınalyq kómektiń tolyq kólemi kórsetiledi. Brıgadalardyń tasymaldaýy barysynda patsıentterdiń jaı-kúıiniń nasharlaýyna jol berilgen joq, — delingen mınıstrlik habarlamasynda.

Buǵan deıin habarlaǵanymyzdaı, Ulytaý oblysynda jol apatynan úsh adam kóz jumdy.