SalyqBot jedel kómek kórsetý qyzmetin qosty
2022 jyldyń 7 jeltoqsanynan Salyqbot Telegram-kanalynda salyq tóleýshilerge jedel kómektiń eki qyzmeti iske qosyldy: «Shotty buǵattan shyǵarý» jáne «Jeke tulǵalardyń salyqtary boıynsha kómek».
Bul qyzmetter «bir ret basý» arqyly banktik shottar boıynsha buǵattaý sebepterin anyqtaý úshin ótinim jiberýge nemese múlik salyǵy, jer salyǵy, kólik quraldary salyǵy boıynsha kómek alýǵa múmkindik beredi.
Kórsetilgen qyzmetter boıynsha Salyqbot paıdalanýshylaryna suraý jiberý úshin óńirdi (oblysty/qalany) kórsetý jetkilikti, sodan keıin 24 saǵat ishinde Memlekettik kirister organdarynyń qyzmetkeri egjeı-tegjeıli aqparat berý úshin salyq tóleýshimen baılanysady.
Bul qyzmetterge kirý úshin «Jeke tulǵalardyń salyqtary boıynsha kómek» siltemesine ótý qajet. Nemese avtomatty túrde «Salyqbot» qosymshasyna aýdarylatyn QR-kodty paıdalaný jetkilikti. Telefon kamerasyn nemese kez-kelgen braýzerdiń kamerasyn (Google, Yandex jáne t.b.) QR-kodqa baǵyttańyz.
Osylaısha, salyq tóleýshilerdiń memlekettik kirister organdarymen baılanysynyń taǵy bir arnasy paıda boldy. Endi aqparatty 1414 Baılanys ortalyǵyna qońyraý shalý arqyly nemese Memlekettik kirister organdaryna barý arqyly ǵana emes, sonymen qatar onlaın siltemeler men QR-kody arqyly ońaı jáne qarapaıym túrde ala alasyz.