Salynyp jatqan kópqabatty úılerde balabaqshalar ornalastyrý qajet - N.Nazarbaev

ASTANA. QazAqparat - Salynyp jatqan kópqabatty úılerde balabaqshalar ornalastyrý qajet. Bul týraly búgin elimizdiń «Nurly jol» jáne ındýstrıaldy-ınnovatsııalyq memlekettik baǵdarlamalarynyń iske asyrylý barysyna arnalǵan jalpyulttyq telekópir barysynda Elbasy Nursultan Nazarbaev aıtty.

«Turǵyn úı qurylysyna, sonymen qatar balabaqshalarǵa qatysty aıtarym, barlyq oblystarda buǵan jeke kompanııalardy tartýǵa tyrysý qajet. Biz olardyń qalaı jaqsy jumys isteıtindigin kórdik. Biz salynyp jatqan kópqabatty úılerde balabaqshalar ornalastyrý qajettigin aıttyq. Biz salyp jatqandaı basseıni men botanıkalyq baǵy bar saraılar qajet emes. Doǵarý qajet. Bul úılerde qarapaıym balabaqsha bolýy tıis. ıAǵnı, sol úılerdiń balalary bara alatyn 500, 100 sharshy metr bolýy tıis», - dedi Elbasy.

Sonymen qatar Memleket basshysy Táýelsizdik jyldary ishinde Qazaqstan tarıhynda bolmaǵan medıtsınalyq jáne bilim berý mekemeleriniń salynǵanyn atap ótti.

«Munyń barlyǵyn sońyna deıin jetkizeıik. Sodan keıin alǵa qaraı ilgerileıik. 100 jyl ómir súrdik ári aldaǵy ýaqytta da jaqsy kezeńde ómir súretin bolamyz», - dedi Elbasy.