Salynǵanyna 50 jyldan asqan mektepterge tehnıkalyq aýdıt júrgizý qajet

NUR-SULTAN. QazAqparat – Bıyl 1 003 aýyldyq mekteptiń ınfraqurylymy jaqsartylady. Bul týraly búgin Úkimet otyrysynda Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«2021 jyly shaǵyn qalalarda, aýdan ortalyqtary men aýyldarda 1 015 mektep jańǵyrtyldy. ıAǵnı jospar oryndaldy. Atap aıtqanda, 806 mektepke kúrdeli jóndeý jumystary júrgizildi. 597 mektepke myńnan astam pándik kabınet satyp alyndy. 684 mektepte jıhaz jańartyldy. 48 mekteptiń ashanasy jańǵyrtyldy», - dedi mınıstr.

Ol bıyl atalǵan jumystar odan ári jalǵasatyndyǵyn, 1 003 aýyldyq mekteptiń ınfraqurylymy jaqsartylatynyn basa aıtty.

«Ár óńir boıynsha naqty kórsetkishter bekitilgen. Ony ákimdikter biledi. Osy kórsetkishti oryndaý aıasynda jergilikti atqarýshy organdar belsendi jumys isteýi kerek. Sońǵy kezde eskirgen, der kezinde kúrdeli jóndeýden ótpegen mektepterdiń apattyq qaýipti jaǵdaı týdyrý faktileri tirkelýde. Aıtylǵan oqıǵalar sabaqtan tys ýaqytta oryn alǵannan keıin ǵana oqýshylardyń ómirine qaýip tóngen joq. Osy oraıda barlyq ákimdikterge salynǵanyna 50 jyldan asqan mektepterge tıisti tehnıkalyq aýdıt júrgizýdi suraımyn», - dedi ol.