Salyqtyń JІÓ-degi úlesi 25 paıyzǵa deıin jetkiziledi - Qarjy mınıstri
«Salyq túsimderiniń Jalpy ishki ónimdegi úlesi 18,6 paıyz boldy. Bul aldyńǵy jylmen (16,8%) salystyrǵanda 1,8 paıyzdyq pýnkke artyq. 2025 jylǵa deıingi maqsatymyz - salyqtyń jalpy ishki ónimdegi úlesin 25 paıyzǵa deıin jetkizý. Biz bul kórsetkishke kóleńkeli ekonomıkany qysqartý arqyly qol jetkizemiz», - dedi Smaıylov.
Budan bólek ol kedendik ákimshilendirý máselesine toqtala kele, 2018 jyly kedendik bajdar men salyqtardyń túsimi 2017 jylmen salystyrǵanda 17 paıyzǵa ósip, 2 trln teńgeden asqanyn atap ótti. Al bıylǵy 5 aıda ol ótken jyldyń osy kezeńimen salystyrǵanda 21 paıyzǵa artqan.
Belgili bolǵandaı, mınıstrlik salyqtyq quqyq buzýshylyqtar boıynsha qoǵamdyq baqylaýdy kúsheıtý, jyljymaıtyn múlikpen mámilelerdi rásimdeý kezinde salyq tóleýdi baqylaý boıynsha notarıýsqa fýnktsııa berý, sondaı-aq salyq salasyndaǵy quqyq buzýshylyqtar úshin jaýapkershilikti qatańdatý bóliginde zańnamaǵa ózgerister engizýdi josparlap otyr.
Aıta keteıik, búgingi eseptik kezdesýde Úkimet basshysynyń birinshi orynbasary Arysty qalpyna keltirý jumystary jyldamdatylǵan tártipte júrgiziletinin málim etti.