Salyqtyq jeńildikterdi 20 paıyzǵa qysqartý kerek - Prezıdent

ASTANA. QazAqparat – Salyqtyq jeńildikterdi 20 paıyzǵa qysqartý kerek. Bul týraly Parlament palatalarynyń birlesken otyrysynda Qazaqstan halqyna Joldaýyn jarııalaǵan Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Taǵy bir mańyzdy másele. Men ekonomıkanyń ártúrli sektorlarynda buryn jarııalaǵan salyq stavkalaryn saralaý óndiristiń kúrdeliligin arttyrýǵa proportsıonaldy túrde salyq júktemesin bólýdi qamtamasyz etýi kerek. Kásipkerler qosylǵan qun salyǵyn qaıtarýdyń kúrdeli protsedýrasyna shaǵymdanady. Bul eldegi ınvestıtsııalyq ahýaldy aıtarlyqtaı nasharlatady. Úkimet bul eski máseleni tez arada sheshýi kerek», - dedi Memleket basshysy.

Prezıdenttiń atap ótýinshe, salyq jeńildikterin retke keltirý kerek. Olar ekonomıkalyq yntalandyrýdyń ataýly quraly bolýǵa tıis.

«Alynbaǵan salyqtar - salynbaǵan aýrýhanalar, joldar men mektepter. Salyqtyq jeńildikter kólemin synı turǵydan taldap, kem degende 20 paıyzǵa qysqartý kerek. Qalǵan preferentsııalar naqty erejeler boıynsha, jekelegen jobalar men tulǵalarǵa baılanystyrmaı berilýi tıis», - dedi Qasym-Jomart Toqaev.