Salyqtan bosatý erejeleri kimderge qoldanylmaıdy

NUR-SULTAN. QazAqparat - Arnaýly salyq rejımderin qoldanatyn, sondaı-aq mıkro jəne shaǵyn kəsipkerlik sýbektisi bolyp tabylatyn tulǵalar bıylǵy 1 qańtardan bastap, 2022 jyldyń 31 jeltoqsanyna deıin tabys salyǵynan bosatý erejelerin qoldanýǵa quqyly. Bul týraly búgin Ortalyq kommýnıkatsııalar qyzmetinde QR Qarjy mınıstrligi Memlekettik kirister komıteti tóraǵasynyń mindetin atqarýshy Jánibek Nurjanov málim etti, dep habarlaıdy QazAqparat tilshisi.

«Arnaýly salyq rejımderin (patent negizinde, ońaılatylǵan deklaratsııa negizinde, tirkelgen shegerimdi paıdalanýmen, aýyl sharýashylyǵy ónimin óndirýshiler men aýyl sharýashylyǵy kooperatıvteri úshin, sondaı-aq, sharýa nemese fermerlik qojalyqtar úshin arnaýly salyq rejımin) qoldanatyn jəne mıkro jəne shaǵyn kəsipkerlik sýbektisi bolyp tanylatyn tulǵalar «Salyq jəne bıýdjetke tólenetin basqa da mindetti tólemder týraly» QR Kodeksin qoldanysqa engizý týraly» QR Zańynyń 57-4-babynyń erejelerine səıkes, 2020 jyldyń 1 qańtarynan 2022 jyldyń 31 jeltoqsany aralyǵynda alynǵan tabystarǵa salynatyn salyqtan bosatý boıynsha erejelerdi qoldanýǵa quqyly«, - deıdi Jánibek Nurjanov.

Onyń aıtýynsha, bıylǵy 1 qańtardan 2023 jylǵy 1 qańtarǵa deıingi kezeńde arnaýly salyq rejımderin qoldanatyn jəne mıkrokəsipkerlik nemese shaǵyn kəsipkerlik sýbektileri bolyp tanylatyn tulǵalar, onyń ishinde biryńǵaı jer salyǵyn tóleýshiler, tólenýge jatatyn:

1) osy Kodekstiń 686, 687, 695, 700-baptaryna səıkes eseptelgen korporatıvtik (jeke) tabys salyǵynyń somasyn (tólem kózinen ustalatynnan basqa);

2) osy Kodekstiń 687-babyna səıkes eseptelgen əleýmettik salyq somasyn;

3) osy Kodekstiń 704-babyna səıkes eseptelgen biryńǵaı jer salyǵynyń somasyn 100 paıyzǵa azaıtady.

Sondaı-aq, ol salyqtan bosatý boıynsha erejeler kimderge qoldanylmaıtynyn aıtty.

«Salyqtan bosatý boıynsha erejeler tómende atalǵandarǵa qoldanylmaıdy. Olar: esirtki, psıhotroptyq zattar men prekýrsorlar aınalymymen baılanysty qyzmet; aktsızdeletin ónimdi óndirýdi jəne (nemese) kóterme saýdada ótkizý; astyq qabyldaý pýnktterinde astyq saqtaý jónindegi qyzmet; lotereıa ótkizý; oıyn bıznesi salasyndaǵy qyzmet; radıoaktıvti materıaldar aınalymymen baılanysty qyzmet; bank qyzmetin (ne bank operatsııalarynyń jekelegen túrlerin) jəne saqtandyrý naryǵyndaǵy qyzmet (saqtandyrý agentiniń qyzmetinen basqa); aýdıtorlyq qyzmet; baǵaly qaǵazdar naryǵyndaǵy kəsiptik qyzmet; kredıttik bıýrolardyń qyzmeti; kúzet qyzmeti; azamattyq jəne qyzmettik qarý men onyń patrondary aınalymymen baılanysty qyzmet; jer qoınaýyn paıdalaný salasyndaǵy qyzmet, onyń ishinde ken izdeýshiler qyzmet; paıdaly qazbalar ótkizýdi, treıderlerdiń qyzmetin, kómir, munaı ótkizý jónindegi qyzmet; munaı ónimderiniń jekelegen túrlerin, benzındi, dızel otynyn jəne mazýtty bólshek saýdada ótkizý; syrtqy ekonomıkalyq qyzmetti júzege asyratyn salyq tóleýshiler», - deıdi ol.