Salyq jáne bıýdjetke tólenetin basqa da mindetti tólemderdiń jalpy sanyn kem degende 20 paıyzǵa azaıtý qajet
«Salyqtyq ákimshilendirýge keletin bolsaq, fıskaldyq organdar men salyq tóleýshiler arasyndaǵy ózara is-qımyldyń servıstik modeline kóshýdi qamtamasyz etý qajet. Maqsat - jazalaý emes, eskertý. Salyqtyq baqylaýdy tolyq tsıfrlandyrýdy júrgizý jáne salyqtyq eseptilik nysandaryn 30 paıyzǵa qysqartý qajet. Salyq jáne bıýdjetke tólenetin basqa da mindetti tólemderdiń jalpy sanyn kem degende 20 paıyzǵa azaıtýǵa bolady jáne qajet», - dedi Qasym-Jomart Toqaev.
Prezıdenttiń paıymynsha, mańyzdy fıskaldyq qaıtarym bolmaǵan jaǵdaıda, olardy tolyǵymen alyp tastaý kerek. Qalǵandaryn biriktirýge bolady.
«Bólshek salyqty engizý jónindegi bastama óziniń qajettiligin kórsetti. Oń tájirıbeni eskere otyryp, Úkimet ony qamtý aıasyn eki esege keńeıtedi. Sondaı-aq, progressıvti salyq salýdy engizýdi jedeldetý qajet. Salyq saıasatyn qaıta iske qosý aıasynda Úkimet pen Parlamentten batyl jáne dáleldengen sheshimder qajet bolady», - dedi Memleket basshysy.