Salyq túsimi 69 mlrd teńgege artyq oryndaldy - mınıstr Jamaýbaev

NUR-SULTAN. QazAqparat – Jyldyń 8 aıynda respýblıkalyq bıýdjetke 6,8 trln teńge kiris tústi. Bul týraly QR Premer-Mınıstriniń orynbasary – Qarjy mınıstri Erulan Jamaýbaev Úkimet otyrysynda aıtty, dep habarlaıdy QazAqparat tilshisi.

«Respýblıkalyq bıýdjetke 6,8 trln teńge shamasynda kirister tústi nemese jospar 101,9% oryndaldy.

Kirister boıynsha jospar 125 mlrd teńgege, onyń ishinde salyqtar - 69 mlrd teńgege, salyqtyq emes kirister – 56 mlrd teńgege asyra oryndaldy.

Salyqtar boıynsha asyra oryndaýdyń negizgi somasy qosylǵan qun salyǵyna jáne shıki munaıǵa eksporttyq keden bajyna tıesili boldy, - dedi mınıstr.

Aıtýynsha, qosylǵan qun salyǵyna qatysty jospar oryndalmaǵan.

«Taýarlardy, jumystardy jáne qyzmetterdi ótkizý boıynsha aınalymdar 30% ulǵaıdy. Qosylǵan qun salyǵyn qaıtarý somasy 27 mlrd teńgege tómendedi. Úshinshi elderden ımport kólemi 22% ulǵaıdy.

Shıki munaıǵa salynatyn eksporttyq keden bajy jospary shıki munaıdyń ortasha álemdik baǵasynyń ósýi jáne teńgeniń AQSh dollaryna baǵamynyń álsireýi esebinen asyra oryndaldy», - dedi Erulan Jamaýbaev.