Salyq tóleýshiler úshin Telegram chat iske qosyldy

NUR-SULTAN. QazAqparat – QR Qarjy mınıstrliginiń Memlekettik kirister komıteti salyq tóleýshiler úshin Telegram chatty iske qosty, dep habarlaıdy QazAqparat tilshisi.

Salyq salý jáne kedendik retteý máseleleri boıynsha komıtettiń Telegram chatyna júginýge bolady. Jalpy, Memlekettik kirister komıteti halyqpen keri baılanys joldaryn keńeıtýdi jalǵastyryp otyr. Jumysyn osy jyldyń naýryz aıynda bastaǵan «Baılanys ortalyǵy» qazirgi kúnge deıin 190 773 ótinishti óńdedi.

Aıta keterligi «Baılanys ortalyǵy» keńesshileri kórsetetin qyzmetti osy ýaqytqa deıin 36 760 salyq tóleýshi baǵalaǵan. Onyń ishinde 32 680 salyq tóleýshi «5», al 1 233 salyq tóleýshi «4» degen baǵa qoıǵan.

Bul rette atalǵan ortalyqqa Nur-Sultan qalasynan 34 538, Almatydan 28 606, Shymkentten 5 982, Almaty oblysynan 5 086, Qaraǵandy oblysynan 5 101 salyq tóleýshi ótinishpen júgingen. Al eń az ótinish Qyzylorda (1 810) men Soltústik Qazaqstan oblystarynan (1 337) túsken.