Salyq tóleýshiler shot-faktýranyń qaǵaz nusqasyn jazyp bere alady
23:20, 08 Qańtar 2022
NUR-SULTAN. QazAqparat – QR Qarjy mınıstrligi Memlekettik kirister komıteti elektrondyq shot-faktýralardyń aqparattyq júıesi portalynyń jumysyna qatysty málimet berdi, dep habarlaıdy QazAqparat.
«Tótenshe jaǵdaıdyń engizilýine jáne ınternet jumysyndaǵy aqaýǵa baılanysty QR Salyq kodeksiniń 412-baby 2-bóligi 2) tarmaqshasyna sáıkes, komıtet 2022 jyldyń 5-19 qańtary aralyǵyndaǵy kezeńde tehnıkalyq qatelikti taný týraly hattamaǵa qol qoıdy.
Qajet bolǵan jaǵdaıda salyq tóleýshiler shot-faktýranyń qaǵaz nusqasyn jazyp bere alady. Keıin, 2022 jyldyń 19 qańtarynan keıingi 15 kúntizbelik kún ishinde málimetterdi elektrondyq shot-faktýralardyń aqparattyq júıesi portalyna engizedi.
Bul rette, aıyppul sanktsııalary qoldanylmaıdy», - delingen Memlekettik kirister komıtetiniń málimetinde.