Salyq tóleýden jaltarǵan boýlıng ortalyǵy 4,4 mln teńge aıyppul tóleıdi
Almaty qalalyq memlekettik kirister departamenti utysy joq oıyn túrlerimen qyzmet kórsetetin zańdy tulǵalardy teksere bastady.
Atap aıtqanda, boýlıng ortalyqtaryndaǵy oıyn jolaqtary (kegelban), karta ústeli (kartıng), bılıard ústelderi salyq ortalyqtarynda tirkeýden ótýi kerek.
Quzyrly organnyń málimetinshe, Medeý aýdandyq basqarmasynyń qyzmetkerleri jaqynda tekserý júrgizgen.
Barlyǵy Almatyda 6 boýlıng ortalyǵy jumys jasap tur. Onyń ishinde Ál-Farabı - Dostyq kósheleriniń qıylysynda ornalasqan «Rıtts Palas» saýda ornyndaǵy boýlıng ortalyǵynda eki oıyn jolaǵynyń salyq organdarynda tirkelmegeni anyqtaldy. Bul jolaqtarǵa 2016 jyldyń basynan bastap salyq tólenbegen.
Boýlıng ortalyǵynyń dırektoryna bul zańbuzýshylyq týraly birneshe ret aıtyldy. Salyq tóleýshiniń kórsetken salǵyrttyǵy úshin ortalyq jetekshisi QR ÁK 275-baby boıynsha ákimshilik jazaǵa tartyldy.
Endi kásipker 4,4 mln teńge kóleminde aıyppul tóleıtin bolady.
Aıta ketý kerek, boýlıng ortalyqtaryndaǵy 1 jolaqtyń ózine aıyna 42 AEK (95 298 teńge) kóleminde salyq stavkasy bekitilgen. Qazirgi tańda MKD mamandary bılıard ortalyqtary men kompıýter klýbtarynyń jumysyn tekseriske aldy.