Salyq organyna baratyn kezde ýaqytty onlaın brondaýǵa bolady

NUR-SULTAN. QazAqparat - Salyq organdaryna kelý ýaqytyn onlaın brondaýǵa bolady, dep habarlaıdy QazAqparat Memlekettik kirister komıtetine silteme jasap.

«Eger siz qyzmetterdi ýaqytynda alǵyńyz kelse, biraq kezekte turýǵa ýaqyt joq bolsa, ásirese koronavırýstyq pandemııa jaǵdaıynda shyǵýdyń joly bar. Salyq organdaryna kelý ýaqyty men kúnin onlaın brondaý endi braýzerde ǵana emes, sonymen qatar «e-Salyq mobile» mobıldi qosymshasynda qoljetimdi» dep málim etti komıtetten.

Bul qosymshany smartfonǵa (Google play jáne App Store-dan) júktep alyp, ózińizge yńǵaıly kez kelgen ýaqytta sapardy josparlaýǵa bolady.

Sonymen qatar, qyzmetti alǵannan keıin Memlekettik kirister komıtetiniń saıtynda júrgiziletin saýalnamaǵa qatysa alasyz.

Maqsat - qyzmettegi osaldyqtardy anyqtaý jáne usynylatyn qyzmettiń sapasyn arttyrý.