Salyq komıteti: Qazaqstanda 150-den astam mekeme saýyqtyrýdan ótip jatyr

ASTANA. QazAqparat - Búginde Qazaqstanda 156 mekeme saýyqtyrý rásiminen ótip jatyr. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Qarjy mınıstrligi Salyq komıtetiniń tóraǵasy Ánýar Jumadildaev málim etti.

«Qarjylyq saýyqtandyrý maqsaty boıynsha ońaltý rásimin 156 mekeme qoldanýda, oǵan qosa rásim kezeńinde 5,5 mlrd.teńge (qaryzdy jabý jospary sommasynan 86 %) sommasynda qaryz jabyldy. 11 120 jumys orny saqtaldy», - dedi komıtet basshysy.

Belgili bolǵandaı 2013 jyly 1401 bankrot-kásiporyn taratyldy.

Aıta keteıik, ádeıi jáne jalǵan bankrottyq rásimindegi qatysýshylar jaýapkershiligin arttyrý, bankrottyq júıesindegi ashyqtylyq, tıimdilik jáne aıqyndylyqty qamtamasyz etý, «tirshilikke ıkemdi» boryshkerlerdi qarjylyq saýyqtandyrý maqsatynda 2014 jyly 5 aqpanda Qazaqstan Respýblıkasy Parlamentimen «Bankrottyq jáne ońaltý týraly» jáne «Birqatar zańnamalyq aktilerge tolyqtyrýlar men ózgertýler eńgizý týraly» QR Zańdaryn qabyldady.