Salyq kodeksiniń jobasy: Agrarlyq sektorǵa yntalandyrý sharalary usynylady
«Shaǵyn jáne orta bıznesti damytý úshin qoldanystaǵy arnaıy salyq rejimderin saqtaý kózdelýde. Balamaly jańa rejım usynylyp otyr, ıaǵnı tirkelgen shegerister rejimin engizý eskerilgen. Bul kimniń aınalymy úlken, biraq tabysy az bolsa, solar úshin tıimdi. Ol óz túsiminiń otyz paıyzyn rastaýsyz shegere alady. Al eger shyǵystardy esepke alýdy júrgizetin bolsa, onda shyǵystaryn rastaǵany úshin syıaqy (shegerister) alady. Salyq tóleýshilerge rejimderdi tańdaý quqyǵy beriledi»,-dedi birinshi vıtse-mınıstr.
Sonymen qatar ol «Ońaılatylǵan deklaratsııa» boıynsha rejimge arnalǵan jeke tulǵalar úshin de, zańdy tulǵalar úshin de kiristeriniń kólemi boıynsha talap birdeı bolatynyn atap ótti. Patentte mólsherlemesi 2 paıyzǵa 1 paıyzǵa deıin tómendetiledi. Bul mindetti áleýmettik medıtsınalyq saqtandyrý jáne jumys berýshilerdiń mindetti zeınetaqy jarnalaryn engizýge baılanysty salyqtyq júktemeni tómendetý úshin jasalýda.
R. Dálenovtyń sózine qaraǵanda, agrarlyq sektor úshin de yntalandyrý sharalary usynylyp otyr. Eńbekaqy tóleý qoryna júktemeni tómendetý úshin sharýa-fermer qojalyǵynyń basshysyna, múshelerine jáne jumyskerlerine salynatyn áleýmettik salyqty alyp tastaý usynylýda. Qyzmettiń basqa túrlerin bólek esep júrgizý jolymen júzege asyrýǵa ruqsat beriletin bolady.