Salyq halyqtyń aqshasy ekendigin este ustaý kerek - Toqaev
«Fıskaldy saıasat baıypty túrde jańǵyrtýdy qajetsinedi. Onyń basty mindeti - bıýdjet kirisiniń turaqtylyǵyn qamtamasyz etý jáne ulttyq tabysty ádil bólý, ekonomıkalyq ósim qurylymy men sapasyn jaqsartý. Jańa salyq kodeksi, jańa keden kodeksi qabyldanyp, qoldanysqa engizildi. Úkimetke erkin ekonomıkalyq aımaqtardy basqarý ókilettigi berildi. Qandaı nátıjelerimiz bar?», - dep toqtaldy Memleket basshysy.
Qazaqstan Prezıdentiniń atap ótýinshe, belgili bir salanyń damýyndaǵy problemany sheshý úshin salyqtyq jeńildikterdi qoldaný jappaı ádetke aınalǵan.
«Árıne, salany júıeli túrde damytýǵa, ótkizý naryqtaryn qurýǵa, salalyq retteýdi jónge keltirýge qaraǵanda salyqtyq jeńildikter berý jeńil ári jyldam. Biraq, salyq halyqtyń aqshasy ekendigin este ustaý kerek. Onyń esebinen jalpy memlekettik uzaqmerzimdi tapsyrmalar, qorǵanys, medıtsına, bilim berý jáne basqalary oryndalady. Salyqtyq jeńildikti jekelegen salalar men kásiporyndar alyp otyr», - dedi Memleket basshysy.