Salyq deklaratsııasyn tapsyra almaǵan 300 úmitker máslıhat depýtattyǵyna kandıdat retinde tirkele almady

ASTANA. QazAqparat - Salyq deklaratsııasyn tapsyra almaǵan 300 úmitker máslıhat depýtattyǵyna kandıdat retinde tirkele almady. Bul týraly búgin QR Ortalyq saılaý komıssııasynyń múshesi Marat Sársembaev málim etti.

«Búgingi kúni jaǵdaı mynadaı, deklaratsııa tapsyrý barysynda bir teńge bolsyn, júz teńge bolsyn, 1 myń dollar bolsyn kórsetilmeı qalatyn bolsa, onda bul buzýshylyq bolyp sanalady jáne zańǵa sáıkes ol adam saılaý dodasynan alynyp tastalady», - dedi ol.

M.Sársembaevtyń atap ótýinshe, mundaı jaıtqa tap bolǵan adam eń aldymen aýmaqtyq saılaý komıssııasyna júginýi qajet. Eger shyǵarylǵan nátıje shaǵymdanýshynyń kóńilinen shyqpasa, onda ol Ortalyq saılaý komıssııasyna júgine alady.

«Deklaratsııaǵa baılanysty saılaý dodasynan alynǵan kandıdattaryń sanyna qatysty aıtar bolsam, olar búkil el boıynsha shamamen 300 kandıdatty quraıdy. Olar salyq deklaratsııasyn belgilengen túrde ótkizbegen», - dedi QR OSK múshesi.