Salvadordaǵy sý tasqynynan 11 adam qaza tapty

<p>ASTANA. KAZINFORM &ndash; Salvadorda sý tasqynynan kem degende 11 adam, onyń ishinde úsh bala qaza tapty. Qazirgi ýaqytta mindetti evakýatsııalaý jumystary júrgizilip jatyr. Bul týraly <a href="https://www.elsalvador.com/noticias/nacional/lluvias-danos-causados-por-torrenciales-el-salvador-/1149545/2024/" target="_blank" rel="noopener">El Salvador</a> habarlady.&nbsp;</p>

Tolassyz jaýǵan jaýynnyń saldarynan 40 jerde kóshkin júrip, júzdegen aǵash qulady.

Іshki ister mınıstri Hýan Karlos Bıdegaın 882 adamnyń baspanasyz qalǵanyn aıtty. Tótenshe jaǵdaıdan keıin 6 myń adamdy qabyldaı alatyn 117 baspana daıyndaldy. Salvador úkimeti osal aımaqtardaǵy jaǵdaıdy únemi qadaǵalap, qaýipti aımaqtardyń turǵyndaryn mindetti evakýatsııalaý shartyn saqtaýǵa shaqyrdy.

Buǵan deıin Qyrǵyzstannyń Jalalabad oblysy aýyldarynyń 300 turǵyny sý tasqyny saldarynan qaýipsiz jerge kóshirilgenin habarlaǵan bolatynbyz. Sý tasqyny 10 jastaǵy balanyń ómirin qıdy.