Saltanat Tursynbekova saılaý ýchaskesinde tilshiler saýalyna jaýap berdi
«Kóńil-kúıim, árıne, qobaljýly, endi saılaýdyń nátıjesin kútemiz. Biz úgit-nasıhat jumystarymen 12 óńirge bardyq», - dedi S. Tursynbekova tilshilerge bergen suhbatynda.
Kandıdat ózi júrgizgen saılaýaldy jumystaryna, naýqan merzimine tolyq kóńili tolatynyn jáne óziniń otbasy úlken qoldaý bildirgenin aıtty.
«Halyq tarapynan keri baılanys óte jaqsy boldy. Otbasym, eki perzentim, aǵaıyn-týystarym úlken qoldaý kórsetti», - deıdi kandıdat.
Aıta keteıik, S. Tursynbekova Astanadaǵy Túrkistan kóshesinde ornalasqan №107 saılaý ýchaskesine keldi. Ol QR Prezıdenti saılaýyna kandıdat retinde «Qazaq analary – dástúrge jol» respýblıkalyq qoǵamdyq birlestiginiń atynan usynylǵan edi.
Saltanat Tursynbekova men onyń saılaý shtaby SQO, Pavlodar, Atyraý, Mańǵystaý, Qostanaı, Túrkistan,Qaraǵandy,Aqmola oblystarynda, Astana, Almaty, Shymkent qalalarynda saılaýaldy is-sharalaryn ótkizdi. Sonymen birge, Astana, Shymkent jáne Almaty qalalarynda, Aqmola, Atyraý, Shyǵys Qazaqstan, Qaraǵandy, Qostanaı, Mańǵystaý, Pavlodar, Soltústik Qazaqstan, Túrkistan oblystaryna barǵan.